漁道樂 (已結業)

味噌蟹甲羅($78)，蟹膏味濃郁，吞左之後既餘韻仍然停留在口腔中，好味到刮到蟹蓋都乾乾淨淨。磯煮鮑魚($128)，共9片，切得波浪紋狀，賣相好吸引食慾，爽口得黎帶少少煙韌口感。軟殼蟹天婦羅($128)，有軟殼蟹、茄子、秋葵、冬菇、南瓜，軟殼蟹炸過本身都脆，再加上包住軟殼蟹既簿脆粉漿，簡直脆上加脆，另外南瓜都係我個人比較喜愛，因為好甜。薩摩手羽($88)，共2隻，雞肉好嫩有肉汁鎖住，外皮脆身帶少少焦香。牡蠣和牛($198)，用蠔同和牛一齊食既配搭好新穎，蠔飽滿有肉汁，而和牛就有油脂香味，有埋黑松露做點綴。秋刀魚壽司($148)，係期間限定壽司，秋刀魚一般比人感覺用燒既方法去處理，但原來做魚生壽司同樣無得頂，鮮味好突出。特選壽司盛合($298)，八貫壽司，色澤方面每件都好鮮豔或者晶瑩剔透，證明食材新鮮，帶子好軟綿綿好滑身，吞拿魚亦好鮮甜，而且仲係厚切。海葡萄綠茶冷麵($128)，點左一款喬麥麵，飽肚得黎又可以食得健康一d，沾麵既汁亦比較清淡d，可以食多d喬麥麵都唔怕，一粒粒既海葡萄增加食用時口感層次豐富。