影片
更多
2022-01-25
268 瀏覽
由番茄師兄得深水埗一間舖嘅時候就開始食佢嘅番茄濃湯麵😝 因為以前間中都會買外賣返公司食，好多款餸都食過晒，不過一路都無寫過食評介紹，因為外賣真係比較難影到靚相🤭～ 呢兩年佢哋仲開咗元朗同灣仔分店，每間分店都有幾樣唔同嘅款式，又開展埋外送番茄邊爐，真係要搵機會再試晒佢哋呀💛•🥢 芝SEE菇牛番茄濃湯通粉 $49 （炒滑蛋另加$5）食過咁多款餸，我最鍾意就係「芝SEE菇牛」😍 佢係將芝士、草菇粒同免治牛肉炒埋一齊，份量睇落唔多，單食會比較鹹，但加埋通粉同茄湯食就啱啱好，而且芝士同番茄湯底都好夾㗎～ 番茄湯底嘅酸甜嘅加咗芝SEE菇牛嘅鹹香，令到個湯好濃郁，配埋通粉真係會唔覺唔覺就飲晒啲湯，有啲膩但大滿足！🤤 炒滑蛋都係每次必加，因為真係炒得好滑😋•🥢 帶子牛郎番茄濃湯烏冬 $69（炒滑蛋另加$5 ）呢款帶子牛郎就有6片牛舌同埋2粒北海稻刺身級帶子～牛舌都幾厚身，睇落有啲乾同好似無乜味咁，但食落都幾juicy，腍得嚟都保留咗牛舌嘅爽彈口感～ 帶子表面有輕輕煎過，並無煎到全熟，咬開中間仲會見到少少半透明，都幾彈牙，但略嫌表面煎得唔夠香😛 番茄濃湯酸酸甜甜，好濃稠，𢳂起其實仲會見到一絲絲嘅番茄皮或
•
🥢 芝SEE菇牛番茄濃湯通粉 $49
（炒滑蛋另加$5）
食過咁多款餸，我最鍾意就係「芝SEE菇牛」😍 佢係將芝士、草菇粒同免治牛肉炒埋一齊，份量睇落唔多，單食會比較鹹，但加埋通粉同茄湯食就啱啱好，而且芝士同番茄湯底都好夾㗎～ 番茄湯底嘅酸甜嘅加咗芝SEE菇牛嘅鹹香，令到個湯好濃郁，配埋通粉真係會唔覺唔覺就飲晒啲湯，有啲膩但大滿足！🤤 炒滑蛋都係每次必加，因為真係炒得好滑😋
芝SEE菇牛番茄濃湯通粉
$49
70 瀏覽
0 讚好
0 留言
芝SEE菇牛番茄濃湯通粉
$49
34 瀏覽
0 讚好
0 留言
•
🥢 帶子牛郎番茄濃湯烏冬 $69
（炒滑蛋另加$5 ）
呢款帶子牛郎就有6片牛舌同埋2粒北海稻刺身級帶子～牛舌都幾厚身，睇落有啲乾同好似無乜味咁，但食落都幾juicy，腍得嚟都保留咗牛舌嘅爽彈口感～ 帶子表面有輕輕煎過，並無煎到全熟，咬開中間仲會見到少少半透明，都幾彈牙，但略嫌表面煎得唔夠香😛 番茄濃湯酸酸甜甜，好濃稠，𢳂起其實仲會見到一絲絲嘅番茄皮或者蔬菜纖維～ 烏冬質地滑溜，配番茄湯都好夾!
帶子牛郎番茄濃湯烏冬
$69
19 瀏覽
0 讚好
0 留言
帶子牛郎番茄濃湯烏冬
$69
14 瀏覽
0 讚好
0 留言
•
🥢 沙嗲牛栢葉 $32
牛栢葉份量都幾多，煮得啱啱好，口感爽口易咬，而且非常之入味😋 沙嗲醬嘅味有啲似平時食車仔麵嗰種沙嗲味，帶微微辣，好惹味! 如果鍾意食麻辣嘅話，可以試麻香瑞士汁，我啲鍾意食麻辣嘅同事都幾推薦😆
沙嗲牛栢葉
$32
13 瀏覽
0 讚好
0 留言
•
🥢 鮮炸腐皮墨魚蝦條 $18 (2條)
墨魚蝦條係新鮮炸起熱焫焫，腐皮炸到少少脆脆哋，入面除咗有墨魚滑，仲有啲蝦粒，兩樣都好彈牙，再加埋粟米粒，口感幾豐富～ 仲配咗泰式辣醬，酸酸甜甜都幾夾～
鮮炸腐皮墨魚蝦條
$18
15 瀏覽
0 讚好
0 留言
•
💬因為大部分餸都食過，都可以簡單講下，等有選擇困難嘅朋友仔都有得參考下😛
😋滑一滑 - 抵食之選🤓 有炒滑蛋又有騸牯牛，牛肉都幾嫩滑，又有牛味，同茄湯好夾～
😋豚豚圓圓 - 推薦畀食肉獸🍖豬頸肉同腩肉份量都幾多，豬頸肉幾爽口，但有時腩肉會有少少肥
😋 麻香瑞士汁雞中翼 - 瑞士雞翼加咗啲麻香，辣辣地幾惹味，不過每次食個味都有啲唔同🙊
🤨厚切豬扒 - 連骨嘅厚切豬扒食落都幾嚡，不推薦
張貼
