반찬앤쿡 Banchan and Cook (時代廣場) (已結業)

時代廣場樓上呢一間韓國嘢經常性都超多人排隊嗰日終於book到枱同朋友嚟食反餐😻舖頭環境乾淨企理 亦都有分不同區域並且擺設上都充滿少女心💕先講我地叫左個慢煮雞胸蛋包飯🐓雞胸肉質地柔嫩 蛋包飯半熟而且流心 仲有得自己體驗切開流出嚟嗰刻 令人垂涎欲滴 飯入邊係炒飯加牛柳底 蛋同飯配合得天衣無縫😳另外一個無骨蜜糖炸雞 裏面除咗炸雞同薯條之外仲有年糕🤤每樣嘢上邊都包咗一層焦香嘅蜜糖加上少少芝士粉 味道超夾❤️如果鍾意食甜野嘅人一定一啖接一啖 雞肉肉質柔嫩 薯條都炸得好脆仲有一個燒醬油黑毛豬白切肉配大醬生菜 整體份量都大😋黑毛豬嘅肥瘦分配均勻 皮都燒得好煙靭 醬油味重但包埋生菜加泡菜大醬味道即刻均勻晒😌另外叫左杯士多啤梨鮮奶咖啡🍓士多啤梨糖漿味道都重但亦都冇蓋過latte既奶香同咖啡味 互相都非常調和💕最後以一個烤朱古力棉花糖收尾😻呢個甜品勁有童年回憶令我憶起每次燒烤都會食既燒棉花糖 少少癡牙簡直係必須👹加埋朱古力同底既餅碎 超級邪惡🤤但都偏甜餐廳整體用餐體驗不錯 雖然等待時間較長但都值得 而且店員服務態度有禮貌👍🏾