蟹仙海鮮蒸氣鍋 (龍崗道)

營業中

休息中

今日我同朋友去左九龍城食海鮮蒸鍋。有好多個套餐選擇，我地簡左個尊貴套餐，有赤蝦、饅頭蟹、琵琶龍蝦、日本元貝、野生青口同啲蔬菜，再加一鍋粥底，真係好鮮好味。首先，當我見到呢個海鮮拼盤全部都好鮮美，餐廳的侍應，每一款都會作一個簡單嘅介紹，又唔洗自己動手蒸。赤蝦係我覺得有驚喜嘅，平時都係刺身多，原來蒸的話，個蝦頭一咬開就可以感受到佢嘅鮮味同埋多汁。饅頭蟹就好滑好嫩，肉質唔會太緊，啱啱好，可惜細隻左小小，原來佢哋係生活係深海，岩時間產卵先捉到佢，唔係成日食到。琵琶龍蝦個肉好彈牙，嚼落好有彈性。日本元貝同生蠔就大大隻，野生青口味道清甜，同埋質感爽口，一咬開仲有海水的咸味。粥底都好好味，好香好濃郁，味道非常鮮美。加埋啲海鮮同蔬菜嘅香味，令味道更加豐富。啲蔬菜都好新鮮，口感爽脆。總括黎講，我諗我下次會試另一個有埋肉類的套餐。。相信個粥底會更吸引。