影片
更多
2007-07-15
4 瀏覽
今晚十點入坐, 因為夜所以唔使等好耐，而且呢個火鍋字號都叫出名，諗住試下有幾正，點知食到一肚氣!等位時個reception 姐姐已經話十一點last order, 一入到去又有人提你十一點last order。咁所以一坐低未人齊已經叫野食啦。點知, 等成二十分鐘個湯底都未黎... 到十點半再叫一輪野食。到呢個時候都仲好好地, 但之後就係惡夢啦...眼見就穿suit既侍應仲多過著啡色衫果d 傳菜同執檯。有時三個侍應點一個執檯, 一個叫佢執野, 但轉個頭另一個又叫佢唔好執, 去加水... 最過份係有一個後生d 既侍應仲爆粗("唔好執野啦, d 客舉x晒手喇!")!隔三張細檯都聽到!嚇親人...跟住又有一件火滾既事，就係個經理放底碟火鍋料之後，竟然細聲話“又係唔使錢既”，但係我都聽到…我食既係每位70蚊任叫火鍋料，但都要俾70蚊丫…你開得呢個餐，就預左人地任叫啦…況且我果檯只係叫到夠食就算，唔似有d 檯叫好多但又食剩晒…最後，到十一點時，有個侍應想埋數，就走過黎問仲有冇野想叫，咁我地就話冇野想叫，但係有四樣料叫左好耐都未黎。佢唔想理，淨係拎d 單出黎想我地埋單，咁我地又講多次“冇野想再叫，淨
等位時個reception 姐姐已經話十一點last order, 一入到去又有人提你十一點last order。咁所以一坐低未人齊已經叫野食啦。點知, 等成二十分鐘個湯底都未黎... 到十點半再叫一輪野食。到呢個時候都仲好好地, 但之後就係惡夢啦...
眼見就穿suit既侍應仲多過著啡色衫果d 傳菜同執檯。有時三個侍應點一個執檯, 一個叫佢執野, 但轉個頭另一個又叫佢唔好執, 去加水... 最過份係有一個後生d 既侍應仲爆粗("唔好執野啦, d 客舉x晒手喇!")!隔三張細檯都聽到!嚇親人...
跟住又有一件火滾既事，就係個經理放底碟火鍋料之後，竟然細聲話“又係唔使錢既”，但係我都聽到…我食既係每位70蚊任叫火鍋料，但都要俾70蚊丫…你開得呢個餐，就預左人地任叫啦…況且我果檯只係叫到夠食就算，唔似有d 檯叫好多但又食剩晒…
最後，到十一點時，有個侍應想埋數，就走過黎問仲有冇野想叫，咁我地就話冇野想叫，但係有四樣料叫左好耐都未黎。佢唔想理，淨係拎d 單出黎想我地埋單，咁我地又講多次“冇野想再叫，淨係想跟之前叫左未黎既料”，但個侍應仲係話十一點last order，要叫就快d 叫，仲好晦氣咁掉張火鍋紙去我面前，話“漏左d 咩而家叫啦，我地十一點last order!”。咁我地咪同佢講“唔係要last order 呀，我地d order十點叫到而家都未黎齊”，同時就畫番未黎既料俾佢啦，佢就話“係咁多啦ma?!”拎左之後就走左去…
之係又係等好耐…點知佢走埋黎話有兩樣冇晒，有咩要而家叫，最多俾我地叫到十一點半。咁我地就話唔要啦，要另外果兩碟算。而個時候佢已經黑晒口面…
食到十一點半過後，仲有十幾檯人食緊，但竟然開始熄燈! 好似要你快d食快d 走咁…
不過，有另外一個侍應就好d，佢點都係有禮貌咁問我地d料黎晒未(因為之前果個已經唔再serve我地喇)。又有一個好好既傳菜既阿姐，佢放低左兩碟勁遲黎既料，仲專登拎d 料黎問我地要唔要，但我地都差唔多夠就冇要喇…
一路有問題既都係果d黑色suit既待應，完全冇溝通，有d唔做野係度講笑，轉個頭又鬧d傳菜同執檯，之後自己俾部長鬧，又黑口黑面對住d 客。真係辛苦晒d 啡色衫既阿哥阿姐，佢地已經少人，仲要俾d 黑色suit待應喝來喝去…我地都忍唔住同個阿姐講“辛苦晒”。
呢間野長期內應該唔會幫襯第二次!
張貼