Glasshouse Greenery (K11 Musea)

營業中

休息中

今次book左8:00pm，去到7:47pm，等左5分鐘左右就有得入。見餐廳特別有張menu係for牛既就同男朋友都叫牛試下，我叫左西冷牛扒，佢叫和牛拼龍蝦，都係叫四成熟，但兩樣都好韌，唔係好咬得爛，完全搞唔掂。我杯荔枝冰茶飲落苦澀，飲完口乾舌燥，本身見有人推介先叫，可能咁岩我杯出事？男朋友杯菠蘿流打對我黎講有種香精味，又係搞唔掂～我地坐係近reception同廚房既2人坐位，目睹員工們前後跌左3次碗碟餐具落地下，乒鈴乓啷聲非常刺耳，同埋應該人手唔夠既關係，有位但執唔切野比人坐，reception做埋帶位又order野食又執碟真係辛苦曬，我都明白咁樣既情況服務唔得都好正常。同埋一坐底我隻碟仲有水積同埋感覺有啲油，最後唔敢用。整體來講食物唔得，番屋企途中差啲嘔出嚟，雖然presentation 都ok，服務見仁見智，環境嘈吵，價位方面8折左每人都$382.5，唔算平，可以有更好選擇。