Flaneur (已結業)

有公務在身，晚上在佐敦一帶，有大量小店選擇，啱曬我。見到呢間西餐有一排向街高枱位，環境暗暗的，有蠟燭，幾好feel, 落雨濕立立，唔諗咁多。就呢度。今晚我地2個人都唔太肚餓，揀咗3個頭盤，1個Main Course.菠蘿手撕豬肉墨西哥烤餅烤餅表面好乾身，內面一絲絲豬肉就保持Juciy, 調味亦恰到好處，加上菠蘿本身水份，食材配合得宜。蒜蓉辣椒煮紐西蘭托托蜆好食！非常好食！蜆肉係絕對新鮮。無砂。烹煮時間剛剛好。湯汁好好食，如果有麵包跟，點湯汁食就更好。又或者用較淺既碗/碟盛載，方便取起蜆時連埋湯汁，咁就更加完美。蒜香鯷魚燒原條茄子簡單將蒜蓉+切碎鯷魚(西方油浸咸魚)連茄子一同烤焗。咸香滿分。龍蝦香辣扁意粉並不是一般用忌廉汁煮嗰款，係類似意大利餐做Spaghetti Alle Olio, 偏向乾身、惹味。加上意粉 Al Dente, 好食。Mocktail: Honeymoon 蜜糖+橙汁+蘋果汁+青檸汁 = 清新+香甜服務很好。上菜先後時間剛剛好。食完每一道菜式，員工都馬上換碟。枱面空間不多，但整個進餐其間都枱面保持井井有條。