Food Lab (已結業)

Food Lab特登去科學園就係想試下呢間餐廳，有book位所以唔洗等，冇book位就可能冇位坐，間餐廳都幾Full架。坐底叫左個set dinner, 個main揀左一個魚同一個牛扒。先上左頭盤既蜜瓜ham沙律，蜜瓜夠甜，ham油份充足，沙律菜新鮮冇苦味，好好味。然後因為服務員搞錯晒上錯左主菜又未上湯，搞左一輪終於到喇。個蘑菇湯好香好好味，蘑菇香味好重，個湯口感好滑，唔會太杰同太稀，水準好高。然後先上左主菜牛扒先牛扒味道好好，賣相好靚，牛扒肉好淋好多肉汁，加上佢調配既芥末汁，非常出色。但因為服務員又搞錯晒又漏單所以食完個牛扒再等多半個鐘先到個魚。個魚扒係非常之靚，份量好多，魚皮煎到金黃色，好脆好好味，加上魚肉冇散開，食落好有魚味同有水份，呢一樣十分之讚，等都值得。最後上甜品，一個係燉蛋同一個係蘋果個蘋果賣相好得意，味道酸酸咁，有水果味，好幫助消化，作為飯後甜品非常唔錯。而個燉蛋我個唔識欣賞喇，因為個面個D唔係焦糖，而似係一D糖水咁既野，個燉蛋口感就唔滑既，成個甜品好似半制成品咁，唯一敗筆。總括而言，食物水準好高，但服務仍需要好大改善。