安南 (又一城) (已結業)

星期二晚係又一城睇完戲都已10點，快快趣搵間未關門既餐廳，侍應表示last order 10點半，店內仲有好幾枱。極速叫左4款食物：蒜蓉牛油雞翼，安南炭燒豬肉，柚子海鮮沙律，美拖炒沙河粉。沙律一黎到已經急不及待開餐，清甜開胃既柚子，有少量蟹肉同蝦仔，好味又足料！之後到河粉，本以為炒河粉簡簡單單實冇死，點知淡而無味，越食越唔知食緊咩，餓住都要忍痛放棄呀！雞翼用蒜蓉炒到好香，食完一隻忍唔住會追加。豬肉最後先黎，賣相十分不討好，不過豬肉配醬汁另有一番風味，連生菜米粉一齊食都好正，雖然會有少少狼背。