新森林焗之專門店

營業中

休息中

諗住來食個正常早餐，點知大失所望。沙嗲牛肉麵麵煮得好淋，明顯煮得太耐。牛肉不够滑，份量好少，沙嗲味其實冇乜，個人覺得都算幾失敗之作。炸菜肉絲出前一丁轉左出前一丁，稍微好少少，煮嘅時間啱啱好。但炸菜肉絲好明顯份量極少，而肉絲接近失去蹤影，差！煮蛋就正常，冇乜特別。但多士係接近凍嘅，應該擺左好耐。食物質素唔算好之外，其實服務態度可以有更大的進步空間。當天應該有2黑衫1綠衫嘅職員，綠衫職員服務態度尚好，但兩名黑衫職員，似乎客人都得罪左佢地咁，無論入座定係點餐，態度都極不友善。食物質素唔算好，服務態度都唔好，經營一間餐廳最需要嘅兩個元素，極度缺乏。