影片
更多
2025-01-23
0 瀏覽
叫左個娃娃菜雞米線加海帶（雞件係夠，但雞骨多過肉）海帶都多米線少，湯唔重味（總括嚟講：唔難食，普通）各位食客如果你有意想入店食，請有心理準備店員態度會導致你食欲大減同有種"貼錢買難受"嘅感覺，以下係個人經歷真係間店食物幾好食都唔會再想黎幫襯路過見佢門口米線相好吸引入去試下，入到去店員掛住吹水就自己搵個位坐（我坐係圖內箭咀位置）枱上面都有QR code點餐就自己搞掂，點好餐後留意到佢地用木筷子就行去問下店員有無水想洗下筷子同飲下水，準備行到攞配菜位置時個男人聲嘅女店員問我：你咩事？我問：請問有無水？店員：10蚊一支，你要嘅自己係QR code買，我哋無水提供嘅（態度好自豪）我無出聲轉身坐返埋位(要俾錢唔係問題，真係咁大個人都無試過入一間餐廳食野會俾人問咩事! 已經同自己講無下次請我都唔會再黎食) 當我等埋個米線嘅時候（最睇唔過眼情節發生）有個上年紀嘅亞姨入店推住買餸車仔攞住好多野自己搵位坐好放低晒D野後，肥短髮女店員吹完水慢條斯理行過去（用命令式口文）同亞姨講：你坐第二度，一陣多人唔夠位俾其他人坐（當時店內得4個食客，有一個準備走）亞姨回答：我食完好快走喇～男人聲女店員對肥短髮女店員講：
各位食客如果你有意想入店食，請有心理準備店員態度會導致你食欲大減同有種"貼錢買難受"嘅感覺，以下係個人經歷真係間店食物幾好食都唔會再想黎幫襯
路過見佢門口米線相好吸引入去試下，入到去店員掛住吹水就自己搵個位坐（我坐係圖內箭咀位置）枱上面都有QR code點餐就自己搞掂，點好餐後留意到佢地用木筷子就行去問下店員有無水想洗下筷子同飲下水，準備行到攞配菜位置時個男人聲嘅女店員問我：你咩事？
我問：請問有無水？
店員：10蚊一支，你要嘅自己係QR code買，我哋無水提供嘅（態度好自豪）
我無出聲轉身坐返埋位(要俾錢唔係問題，真係咁大個人都無試過入一間餐廳食野會俾人問咩事! 已經同自己講無下次請我都唔會再黎食)
當我等埋個米線嘅時候（最睇唔過眼情節發生）
有個上年紀嘅亞姨入店推住買餸車仔攞住好多野自己搵位坐好放低晒D野後，肥短髮女店員吹完水慢條斯理行過去（用命令式口文）同亞姨講：你坐第二度，一陣多人唔夠位俾其他人坐（當時店內得4個食客，有一個準備走）
亞姨回答：我食完好快走喇～
男人聲女店員對肥短髮女店員講：算喇，佢話好快走。（肥短髮女店員背住亞姨反白眼）
因為無Menu 亞姨唔識用電話落單，就問下男人聲女店員有咩介紹？
男人聲女店員用急口令形式問食唔食辣？叫個招牌咩都有架喇，數有咩餸係裡面
亞姨：（應該聽唔切）裡面有咩話？
短髮肥店員插咀講：你食過喇，又問！
亞姨：哦! 咁我唔要辣架。
我碗米線到枱，短髮肥店員急口令形式講（用手指指）配菜係呢邊匙羹係隔離。
（看圖：我坐嘅位置跟本唔知佢指邊加上急口令形式講野真係無聽到佢講咩）我行出去攞完配菜，行返埋位見唔到匙羹又行返轉頭企係配菜望嘅時候，短髮肥店員開口：搵咩？
我：匙羹
短髮肥店員：岩岩咪講左係隔離囉！
我： 我實知你隔離喺邊喇（攞完我返埋位開餐）
快食完就俾錢走
$60
0 瀏覽
0 讚好
0 留言
張貼
