影片
更多
2015-01-16
1792 瀏覽
蒲左葵芳一排，驚見新都會變天，執左好多較平民既食肆再開較高檔既餐廳。最新開既一間就係曼谷泰菜。之前幫襯過幾間港島分店，質素唔錯，是晚決定試吓葵芳新店。七點去到唔使等，坐張近門口既二人枱。由於鋪面設計開揚，一坐低就覺得外面有冷風吹入黎，就問吓經理可唔可以換個較入既位。點知經理一句：「入面未開喎。」 OK fine，最多唔除褸囉。然後有waitress斟水，我見係普通暖水，問佢可唔可以俾杯熱水我，因為個位真係好凍。佢話：「杯水唔夠熱呀？」甚有挑釁意味。當下已經想走，但坐低左就算喇。忍你。等緊男友時先落左個椰香海鮮焗飯($92)，因為需時20分鐘。等男友黎埋，再同經理落多碟泰式鹹肉椰菜苗($76)同細泰式小食拼盤($88)，經理又話：「落兩樣咋？」咩事呀？就算唔知我地之前落左單，都唔應該咁樣同客講野係嘛？坐左陣，泰式鹹肉椰菜苗先上。榔菜苗既份量較少，不過炒得幾香同爽口第一次試泰式鹹肉，原來好似燒肉咁，但瘦D硬D又鹹D。有幾舊直情硬到食唔到。之後上小食拼盤，細份量兩個人食啱啱好。（甚至四個人分都OK！）泰式魚餅微辣，但唔食辣既人都接受到既。魚肉爽口彈牙。炸蝦餅略油，上碟前冇「索」乾淨，不過味道
最新開既一間就係曼谷泰菜。之前幫襯過幾間港島分店，質素唔錯，是晚決定試吓葵芳新店。
七點去到唔使等，坐張近門口既二人枱。
由於鋪面設計開揚，一坐低就覺得外面有冷風吹入黎，就問吓經理可唔可以換個較入既位。
點知經理一句：「入面未開喎。」 OK fine，最多唔除褸囉。
然後有waitress斟水，我見係普通暖水，問佢可唔可以俾杯熱水我，因為個位真係好凍。
佢話：「杯水唔夠熱呀？」甚有挑釁意味。當下已經想走，但坐低左就算喇。忍你。
等緊男友時先落左個椰香海鮮焗飯($92)，因為需時20分鐘。
等男友黎埋，再同經理落多碟泰式鹹肉椰菜苗($76)同細泰式小食拼盤($88)，
經理又話：「落兩樣咋？」咩事呀？就算唔知我地之前落左單，都唔應該咁樣同客講野係嘛？
坐左陣，泰式鹹肉椰菜苗先上。
泰式鹹肉椰菜苗
$76
88 瀏覽
0 讚好
0 留言
第一次試泰式鹹肉，原來好似燒肉咁，但瘦D硬D又鹹D。有幾舊直情硬到食唔到。
之後上小食拼盤，細份量兩個人食啱啱好。（甚至四個人分都OK！）
小食拼盤
$88
106 瀏覽
0 讚好
0 留言
炸蝦餅略油，上碟前冇「索」乾淨，不過味道唔錯，蝦魚比例適中，都係彈牙既。
春卷同蝦餅一樣略油，不過外皮仍然脆，餡料較多素食，唔錯！
個人最鍾意荷葉雞，雞肉嫩滑，用香茅醃成，帶有少許荷葉香，食過番尋味！
最後上椰香海鮮焗飯，係成個椰子咁上既，份量約為兩碗滿既飯。
椰香海鮮焗飯
$92
96 瀏覽
0 讚好
0 留言
不過個飯驚喜在有椰子肉 椰肉清香爽甜，而成個焗飯都有椰香（我會形容為似西米露味）。
個椰殼入面刮得好乾淨，只希望個殼唔係重用……
食飽準備埋單前，兩個waitresses清空我地左右兩張枱同合併，
但拉枱櫈時完全唔拎起，只o係地板拖行……嗰種聲真係令到食客好不安。
總括而言，呢間分店食物質素係唔錯既，但員工（特別係經理）既服務態度就大有改善空間喇。
張貼
