Ziti's Homemade Pizza & Catering (已結業)

見到新開無耐, 所以諗住同朋友去試一試..我地2個人去到見到有幾個SET, 最後就選擇左個combo for 2-3 person ($198), 正當落order之際話要個set, 點知 serve 我地既哥哥就話今日係星期五無set既 (下..但我見個meau同外賣紙都完全無寫D set 只係限星期一至四喎), 你話無咁我地唯有散叫啦..最後試左3樣野焗芝士蘑菇釀蟹肉 = 夠熱, 芝士味濃亦香口，鐘意食芝士既朋友相信都會鐘意煙三文魚菠菜忌廉汁伴闊條麵 = 味道OK, 但嫌唔夠熱Meat Lover Pizza = 味道不錯，BBQ醬應記一功，但肉類材料唔算好多, 睇番張相可見成份Pizza只有4塊辣肉腸片整體黎講其實食物都不錯，如果可以熱少少會好D..另外就係應該係menu度寫清楚set既供應時間 (雖然都知好多地方星期五六日想賺多D唔會有SET)，但如果有寫清楚客人知道幾時無得叫set係無問題既，不過突然話俾你聽今日無又好似令人覺得有少少怪囉。另外店員服務都係一般，可能都係年輕同生手。