沙田18

營業中

休息中

趁住假期嚟沙田海悅酒店住一晚， 夜晚去咗酒店嘅中菜廳「沙田18」晚餐。 呢間中餐廳之前都去過，印像都唔錯。 今次叫咗椒鹽鮮魷、 東莞炒米粉、沙田炸乳鴿、三鮮煎鍋貼； 甜品就叫咗焗蓮蓉西米布甸 和焗黑芝麻湯圓酥皮批。 椒鹽鮮魷和東莞炒米粉水準出色， 椒鹽鮮魷炸到外脆內軟， 鮮魷鮮嫩無比； 東莞炒米粉， 炒得香口； 三鮮煎鍋貼， 皮薄餡靚， 十分Juicy; 燒乳鴿正常； 甜品佢哋真係有用心做， 蓮蓉布甸絕不欺場， 蓮蓉餡料份量夠； 焗黑芝麻湯圓酥皮批嘅多重層次感， 外面係酥皮加埋上層嘅菠蘿包皮， 食落鬆脆， 裏面包住一粒黑芝麻湯圓， 外面脆卜卜，裏面軟淋淋嘅感覺十分特別， 食落去都好好味，讚！ 我感覺到廚師係用心做嘅！ 至於佢哋嘅員工服務態度， 個個都好有禮貌， 而且有效率。 俾依個價錢係值嘅。