川上龍 (已結業)

今晚三個女人一齊試新野！ 平日夜晚去都有八成滿，一去到俾雞煲味吸引左，叫左半份雞煲正常辣。雞煲一黎到已經熟透，只要用電磁爐番熱就食得！正常辣對於普通女仔應該岩岩好，但中意食辣既我就覺得唔夠惹味，可以加多d香料，而雞都唔夠底味，略嫌事前功夫做得唔夠。但都有可取之處，就係份量非常充足，竟然有上海年糕做配料，年糕夠哂入味又可以飽肚，所以我地就冇叫到飯麵啦 貪心既我覺得如果可以額外再加年糕就好啦！呢個避風塘茄子，炸粉較厚，食兩三舊都濟。因為d粉太厚，蒜同辣椒雖然炸得香口，但同茄子都唔能夠融合，各有各食，麻麻地。 環境方面都坐得舒服又冇時間限制，但坐到十點左右，冷氣變得非常微弱，但場內仲有四五枱，仲有人食緊雞煲...整體黎講，呢間川菜仲有進步空間。