北京樓 (太古廣場)

營業中

休息中

每逢母親節、父親節，我哋一家都好鍾意嚟金鐘嘅北京樓食佢哋最出名嘅北京填鴨。所以，今年都不例外。我哋一台六人，但每次都鍾意叫佢哋嘅三人餐再另加嘢食。前菜：醉雞，酒味剛剛好唔會蓋過雞味 沙律香芒蝦球係我爸爸嘅至愛，香香甜甜嘅芒果配炸蝦球，冇得頂蟲草花鮑魚螺頭湯，湯料十足，味道豐富，齒頰留香主菜：嚟北京樓就梗係要叫佢哋嘅王牌北京填鴨。填鴨嘅皮入口即溶，好味得過分。腐竹雞毛菜，略嫌太鹹。甜品：合桃露，唔會太甜，不錯不錯。餐以外我哋有叫燒黃花魚、炒飯、兩大鍋嫩雞煨麵。燒黃花魚就太乾。如題目，食材就非常好，但服務每一次都覺得佢哋啲侍應好似做又卅六唔做又卅六嘅態度。亦都非常之冇禮貌。