漁釧 (將軍澳中心) (已結業)

『1/11/2019：漁釧@將軍澳』最近鐘意左食居酒屋，周圍發掘居酒屋🥳今次黎到將軍澳呢間漁釧！首先，入到去好香燒物味，裝修都好有日本風味🎏初印象很不錯之後點餐 菜款都好多👍🏿分別有壽司，鍋物，炸物等。2個人食所以淨係叫左幾味鐘意既首先，先講個鍋物，叫左個牛小排鍋壽喜燒。黎到好大盤 足夠2個人一齊食，湯底好甜，菜好新鮮，亦都好足料！而重點既牛好靚，食落都好有牛味。可惜，牛方邊切到會有啲太細，食落未黎得切品嚐，曬左啲靚牛。成個鍋最值得一讚係豆腐，好有豆既味道，加個甜湯底，好清新。而且非常鬆軟，但唔會一夾就散！之後就係居酒屋最重要既燒物！！分別叫左虎蝦、和牛粒、豬豚肉、雞軟骨，每樣都好出色，一黎到就被佢地香味吸引。其中和牛粒係我最鐘意既，一食即融，每啖都係脂肪，亦都唔會因為燒而失去牛既味道。另外特別的是豬豚肉，豬豚肉出色在味就，加左調味令舊肉更上一層樓！可惜肉感有點老。其他則普通遍上水平另外，還叫了清酒煮蜆及三文魚壽司。這2樣都係水平而上，但亦不會令人驚訝！蜆好新鮮，而且好大啖蜆肉，但略嫌清酒味淡。而三文魚則普通發揮。另外一提，店舖服務員態度嫌差，對我地既態度非常不友善！不但只催促我們台，