My Thai Bar & Restaurant

營業中

休息中

最近二訪東涌，今次遊完大澳出黎食晚餐。今次俾我search到哩間食泰國菜既，好味呀！門面係咁既，喺藍天海岸地鋪。餐廳裝修充滿泰國風情，紅色牆身感覺好熱情。打開餐廳見到多款泰國菜，好吸引呀！越南鮮蝦芒果米紙卷 $78都有越食菜式，份量十足既小食，好足料，芒果甜，不過米紙卷厚左d。熱泰式珍珠奶茶、青檸梳打菠蘿海鮮冬陰功清湯 $98叫左細既，小辣，酸酸辣辣愈飲愈開胃呀，第一次飲到加入菠蘿，中意，仲有青口，魷魚、菇菌，推薦哩個湯。乾咖哩原條鱸魚 $188原條爐魚起左骨，啖啖肉好味得黎又唔怕啃骨，魚好新鮮，配微辣既咖喱好夾呀，好好味！香芒蟹肉炒飯 $118炒飯夠鑊氣，炒至乾身，加左蟹肉更鮮，芒果肉都好甜，份量都好足，好味！原隻芒果糯米飯 $88係用左紫糯米同普通糯米二款，口感煙韌，配上椰醬好正呀！仲有原個芒果食，好滿足。