聚聚 (已結業)

見到屯門市中心有新餐廳就同屋企人去試。餐廳裝修感覺舒服，職員服務態度好。食物有電話落單。餐廳嘅食物都係中式點心為主，但亦加了不少西式元素。酸菜魚 $138酸菜魚食落唔算好辣搶喉，但麻味十足，食多幾啖直程會令嘴唇麻痹，我10分鍾意食麻，所以會鍾意呢個味道，魚就一般，下面仲有啲芽菜同金菇。紅油餃子 $28味道唔算特別突出，皮薄但唔算煙靭，入面主要都係一啲肉同菜，都有啲鮮甜味。川味口水雞 $$68辣汁唔算入味，雞唔算太嫩，味道平平。心太軟伴楊枝甘露 $38雖然心太軟係西式甜品，但係係呢一間中式點心店就會有一種中式嘅元素落去，好似心太軟上邊會有椰絲，而蛋糕嘅部份比較多流心嘅部份比較少。楊枝甘露都有一種果汁嘅味道，味道尚可。椰皇蛋白燉杞香桃膠 $78蛋白唔算太嫩，但有椰皇香味，但就唔太食得出有杞子香。總體來說，食物質素都算中上，價錢合理，如果住喺屯門嘅朋友都可以試下，但唔係住喺屯門嘅，就唔使特登黎試。