祥仔辣辣 (海運大廈) (已結業)

一直都好想試呢間嘅酸菜魚，今次嚟到海港食呢間分店試，如果坐近窗邊啲位仲有今日望到海景添🌊酸菜魚米線🐟 （$138）佢呢個酸菜魚嘅好處係可以自選辣度，揀咗小辣🌶，啱曬我呢啲食唔到太辣嘅朋友，味度都偏酸唔會太咸👍🏻，最欣賞佢個湯比較清唔會好似坊間個啲咁油👍🏻👍🏻👍🏻，而且有好多酸菜同魚肉👏🏻，份量十足，而且個魚都有鮮味🐟，仲有冇骨， 食起上嚟夠曬方便。跟餐小食拍黃瓜🥒，涼拌雲耳都係比較酸辣嘅開胃小食，紅油味比較重脆炸祥仔午餐豚肉🐷呢個係一個必食小食，同出面啲午餐肉唔同嘅係佢係真係加多左豬肉嘅比例，食落有好香嘅肉味，而且質地做到好滑，可以找到外脆內軟，面頭仲有啲辣椒粉做調味，增加小食嘅風味。糖醋排骨飯🍚 （$88）呢個糖醋排骨飯就不敢恭維😐，首先佢上台係唔熱嘅，只係微暖，重要嘅外層唔脆，同d 粉癡到一嚿嚿，應該係整咗好耐，唯一可取嘅係佢會有啲肉味，隨時雙送飯嘅質素都會好過佢😪仲要呢間餐廳啲服務態度係好差嘅，問吓侍應少少嘢，佢哋都一臉不耐煩，態度麻麻❌📍 祥仔辣辣 (海運大廈) (尖沙咀)尖沙咀廣東道3-27號海港城海運大廈LCX3樓32號舖