影片
更多
2015-06-11
910 瀏覽
上星期五同兩位朋友黎食晚飯，點知未食已經一肚氣，忍唔住要開個Openrice account分享一下！(發一發嚕囌先，食物評語在三段之後！)話說我地一行三人7:30左右已經黎到等位，等左大約三十分鐘，嗌到下一張飛就應該到我地。奇怪既事情就係呢個時候發生！由於餐廳規定人齊方可入座，正當我地以為入得之際，突然有兩張已經過左number既飛黎齊左人，知客竟然比佢地入先，變相打返我地尖轉頭。同知客溝通後，佢堅持餐廳既規矩係咁，話下張枱再比返我。說時快那時慢，失驚無神再多兩張過左number既飛黎齊左人！唔使問阿貴，知客再度比佢地打我尖，最過份既係其中一張飛已經過左九個number! 明明寫住過左五張無得補飛，但係知客姐姐一於少理，堅持比佢地入去先。我地由第一張枱，搖身一變第五張，足足等多左四十分鐘。明明我守規矩準時人齊棟哂係度，結果反而遲黎先上岸。去到呢一刻其實真係龍肉都食唔落，但係朋友放工衝過黎一齊等位，唔想佢地失望唯有一肚氣咁入去食。要講返句中肯既說話，雖然呢間野既服務不濟，但係佢乎既食物都係唔錯既。三個人總其叫左七款食物，因為每碟份量偏細，差唔多清哂。皇朝八色小籠包 $98餐廳主打，第一
(發一發嚕囌先，食物評語在三段之後！)
話說我地一行三人7:30左右已經黎到等位，等左大約三十分鐘，嗌到下一張飛就應該到我地。奇怪既事情就係呢個時候發生！由於餐廳規定人齊方可入座，正當我地以為入得之際，突然有兩張已經過左number既飛黎齊左人，知客竟然比佢地入先，變相打返我地尖轉頭。同知客溝通後，佢堅持餐廳既規矩係咁，話下張枱再比返我。
說時快那時慢，失驚無神再多兩張過左number既飛黎齊左人！唔使問阿貴，知客再度比佢地打我尖，最過份既係其中一張飛已經過左九個number! 明明寫住過左五張無得補飛，但係知客姐姐一於少理，堅持比佢地入去先。我地由第一張枱，搖身一變第五張，足足等多左四十分鐘。明明我守規矩準時人齊棟哂係度，結果反而遲黎先上岸。
去到呢一刻其實真係龍肉都食唔落，但係朋友放工衝過黎一齊等位，唔想佢地失望唯有一肚氣咁入去食。要講返句中肯既說話，雖然呢間野既服務不濟，但係佢乎既食物都係唔錯既。
三個人總其叫左七款食物，因為每碟份量偏細，差唔多清哂。
皇朝八色小籠包 $98
餐廳主打，第一次食既時候都覺得幾得意，而且真係有八款唔同口味，唔係純粹顏色唔同！最愛黑松露味！人蔘味同芝士味就麻麻地，幾位朋友可以叫一兩籠share，唔使一人一籠哈哈！
皇朝八色小籠包
$98
33 瀏覽
0 讚好
0 留言
我最喜歡既菜式。同譚仔/傷心酸辣粉唔同，皇朝既蒜泥白肉比較清新，中間捲住青瓜絲，平衡返蒜泥既辣味。蒜泥有調味過，唔會咁嗆鼻！推介
香辣蒜泥白肉
$62
64 瀏覽
0 讚好
0 留言
比起其他餐廳味道較為清淡，但係年糕依然軟淋淋同好入味，連d菜都好好食，推介
上海炒年糕
$68
64 瀏覽
0 讚好
0 留言
雞丁偏乾同硬，似食緊雞軟骨多d。味道亦較為辣，唔食得辣既朋友小心！
四川辣子雞丁
$72
50 瀏覽
0 讚好
0 留言
辣味適中，皮薄餡靚，味道清爽細細隻易入口！略嫌唔夠香氣，只有麻辣味搭夠。
紅油抄手
$48
42 瀏覽
0 讚好
0 留言
麵皮比較厚亦唔脆，而且內裡唔多汁，只屬一般茶樓水準，可以不試。
上海生煎包
$38
12 瀏覽
0 讚好
0 留言
肉餡同生煎包差唔多，唔算特別。
無鍚鮮肉鍋貼
$32
27 瀏覽
0 讚好
0 留言
新派上海菜，味道清新岩哂年青人，座位舒適寬敞而且價錢合理。
如果你唔趕時間、唔怕亂哂籠既等位方式、唔怕受氣，其實值得一試。
或者集合夠七人或以上，可以訂位！
張貼
