影片
更多
2017-03-23
286 瀏覽
今日喺附近拜完山就去商場到睇下有咩食，因為每年只會去一次油塘，就係去拜山，所以睇水牌睇下有咩食。屋企人見到呢間就話去飲茶，咁我地就去左。門口帶位嘅侍應態度唔算好，不過都還可以。我地4個人就比左張卡位我地坐，嗌完茶就洗碗。嘩，啲碗勁油，好似淨係用清水去左漬，但無用洗潔精洗乾淨咁。無辦法喇，喺街食嘢係咁。先嚟左呢個煎釀茄子，個樣都ok嘅，不過一食⋯⋯好腥然後有個三色腸粉，分別有蝦腸、叉燒腸同牛肉腸。唔算好難食又唔係好食，普普通通喇。菠蘿叉燒包，好大陣油膉味，好膩。入面嘅叉燒餡都唔係好好食。呢個綠茶芋頭餅係全餐最好食，個皮係脆嘅，入面芋蓉都幾好味，無乜油膉味，仲有好香嘅芝麻味。咁飲茶就緊係會要加水，啲侍應係keep住吹水，望到扮睇唔到。屋企人就叫佢加水，都有講唔該，態度唔差。個侍應就粒聲唔出好似嬲爆爆咁攞左個水壺走（心諗：乜加水唔係佢本分咩？）然後返嚟嘅時候，「呯」一聲抌低個水壺，好似大地震咁，然後走左！佢走慢一步我實鬧佢，邊有服務態度差到咁架？呢世都唔會再去！食物質素又唔好，服務態度又差，完全諗唔到有咩原因要再食。唔試好過試！
我地4個人就比左張卡位我地坐，嗌完茶就洗碗。嘩，啲碗勁油，好似淨係用清水去左漬，但無用洗潔精洗乾淨咁。無辦法喇，喺街食嘢係咁。
18 瀏覽
0 讚好
0 留言
10 瀏覽
0 讚好
0 留言
13 瀏覽
0 讚好
0 留言
13 瀏覽
0 讚好
0 留言
咁飲茶就緊係會要加水，啲侍應係keep住吹水，望到扮睇唔到。屋企人就叫佢加水，都有講唔該，態度唔差。個侍應就粒聲唔出好似嬲爆爆咁攞左個水壺走（心諗：乜加水唔係佢本分咩？）然後返嚟嘅時候，「呯」一聲抌低個水壺，好似大地震咁，然後走左！佢走慢一步我實鬧佢，邊有服務態度差到咁架？呢世都唔會再去！食物質素又唔好，服務態度又差，完全諗唔到有咩原因要再食。唔試好過試！
張貼
