影片
更多
2010-07-28
8 瀏覽
要不是在網站團購時俾曬錢，光是訂位已讓我放棄黎呢間餐廳，早一星期打去都話預約滿曬，問職員可否留電話落waiting list，佢又唔多理我。好嘞！終於早十日前打去預約，話當日有位，職員問我幾點？我話七點，佢又話七點唔得，可唔可以六點？我話六點食晚飯太早，佢就話要夜啲，咁我話七點半，佢都話唔得，咁我唯有問佢究竟幾點得，最終約左８點半。直到當日都無人打黎confirm過booking，我打去問，職員答有替我預約，但唔會有人confirm booking，怪不得咁難book啦！準時8點半去到，職員叫我坐低，但檯面仲有上手客人食淨的食物，檯面又污糟，我唔想坐，最後職員再叫我先坐低，見佢執緊檯面的野，唯有坐啦！點知佢未清理好就已經在忙別的事。我對住檯面的野有點難受。到點菜環節，職員一輪咀講團購餐和餐牌上有乜分別，何不直接在餐牌上五選二的其中一道菜上更改呢？飲品亦然，一輪咀講可以點乜，同埋邊幾款系列係無的，跟本消化唔到佢講乜。說回食物：龍蝦湯 味道特別，不過並未每個人都受得了芥辣味田螺 薯蓉幼滑但和田螺一樣是無味道的生蠔 香濃芝士味，味道不錯黑松露帶子意粉 意粉好味，帶子味道平平肉眼扒配薯角 肉眼
準時8點半去到，職員叫我坐低，但檯面仲有上手客人食淨的食物，檯面又污糟，我唔想坐，最後職員再叫我先坐低，見佢執緊檯面的野，唯有坐啦！點知佢未清理好就已經在忙別的事。我對住檯面的野有點難受。
到點菜環節，職員一輪咀講團購餐和餐牌上有乜分別，何不直接在餐牌上五選二的其中一道菜上更改呢？飲品亦然，一輪咀講可以點乜，同埋邊幾款系列係無的，跟本消化唔到佢講乜。
說回食物：
龍蝦湯 味道特別，不過並未每個人都受得了芥辣味
田螺 薯蓉幼滑但和田螺一樣是無味道的
生蠔 香濃芝士味，味道不錯
黑松露帶子意粉 意粉好味，帶子味道平平
肉眼扒配薯角 肉眼本身味道不錯，可惜overcook，醬汁咸左少少，薯角炸得香脆
心太軟 其中一個上檯時已經爆開左，賣相不佳但香濃好味
飲品 沒有期望，亦沒有失望
呢一餐單說食物，團購餐$298還可以，高於這個價錢則不太值，至於管理及服務方面，真的有待改進~~
張貼