無肉食 (已結業)

今次係第一次嘗試素食自助餐，一向以為素食嚟嚟去去都係嗰幾款，無特別。但今次喺依度發現原來素菜都可以咁多唔同煮法，而且啲「肉」像真度好高，味道亦都好好。食物我真係俾八十分，依個價錢咁嘅食物質素，可以用物超所值嚟形容，值得推介。唯一美中不足係環境同衛生！由於我哋喺晚飯時間去，到咗差唔多九點職員就推住一車一車嘅大垃圾桶喺客人旁邊行嚟行去，可能因為商場設計問題，無後門比職員運送垃圾到垃圾房，故此職員一定要經過客人於餐廳正門倒垃圾。但如果真係咁，係咪可以等客人走咗之後先至倒垃圾呢？咁樣我相信適合感覺會舒服啲。呢度係唯一失望嘅地方。如果大家真係有興趣去食，最好唔好坐近廚房同門口位，咁應該可以避過啲垃圾桶係你側邊推來推去。