影片
更多
2023-05-16
1331 瀏覽
香港純素Cafe不多，集西、日、泰式多元化菜式小店更少之有少。餐廳位於樓上，室內外座位，裝修設計簡約，本著「原」、「素」宗旨。食物方面 - 紅咖哩雜錦蔬菜天貝配酸種麵包：雜菜份量充足、款式多樣：洋食西蘭花、BB椰菜、紅蘿蔔、粟米芯，天貝等。湯汁微辣濃郁，雜菜吸晒特濃咖哩香料精華。配搭帶微酸酵母味而且氣孔密度高、內鬆外脆嘅酸種麵包，好夾。意想不到比農夫包或薄餅更夾，有新境界。純素全日早餐：雖然烹調方法簡單但食材新鮮，製作用心有誠意。大啡菇、清甜聖女茄、超甜粟、牛油果、BBQ天貝、奇亞籽布丁等，份量相當豐富。特別點讚BBQ天貝，BBQ醬汁應該係自家製作純素配方？醬汁味道比一般餐廳淡，無濃烈肉味精卻帶點香甜味。由於天貝係用黃豆發酵製成，將醬汁吸收後十分惹味而且水潤。飲品方面 - 黑芝麻豆腐沙冰：要求店員製作少甜，又真係做到1分甜，令芝麻油脂感變得清新，帶點輕微豆香，整體零甜膩。可惜好多大冰打唔碎，仲有勁多冰粒，用粗紙飲筒吸吮都會塞住飲唔到。雜莓高蛋白奶昔︰植物奶清香輕盈，唔會蓋過雜莓之酸甜。開胃，但好大杯，飲半杯已經飽肚頂胃。不過，又係冰粒未打碎。總結︰最後再點讚店家，睇到我其他網上平台寫
餐廳位於樓上，室內外座位，裝修設計簡約，本著「原」、「素」宗旨。
食物方面 - 紅咖哩雜錦蔬菜天貝配酸種麵包：
雜菜份量充足、款式多樣：洋食西蘭花、BB椰菜、紅蘿蔔、粟米芯，天貝等。
湯汁微辣濃郁，雜菜吸晒特濃咖哩香料精華。配搭帶微酸酵母味而且氣孔密度高、內鬆外脆嘅酸種麵包，好夾。
意想不到比農夫包或薄餅更夾，有新境界。
紅咖哩雜錦蔬菜天貝
$138
699 瀏覽
0 讚好
0 留言
純素全日早餐：
雖然烹調方法簡單但食材新鮮，製作用心有誠意。
大啡菇、清甜聖女茄、超甜粟、牛油果、BBQ天貝、奇亞籽布丁等，份量相當豐富。
特別點讚BBQ天貝，BBQ醬汁應該係自家製作純素配方？醬汁味道比一般餐廳淡，無濃烈肉味精卻帶點香甜味。
由於天貝係用黃豆發酵製成，將醬汁吸收後十分惹味而且水潤。
純素全日早餐
$138
115 瀏覽
2 讚好
0 留言
飲品方面 - 黑芝麻豆腐沙冰：
要求店員製作少甜，又真係做到1分甜，令芝麻油脂感變得清新，帶點輕微豆香，整體零甜膩。
可惜好多大冰打唔碎，仲有勁多冰粒，用粗紙飲筒吸吮都會塞住飲唔到。
黑芝麻豆腐沙冰
$58
43 瀏覽
0 讚好
0 留言
雜莓高蛋白奶昔︰
植物奶清香輕盈，唔會蓋過雜莓之酸甜。開胃，但好大杯，飲半杯已經飽肚頂胃。
不過，又係冰粒未打碎。
雜莓高蛋白奶昔
$58
46 瀏覽
0 讚好
0 留言
總結︰
最後再點讚店家，睇到我其他網上平台寫下意見，留言表明會改善。證明真係用心有誠意地經營，分享純素美食，就以上優點已經值得翻桌。
加上食物相當唔錯，有驚喜，性價比屬中高級。
只係飲品製作上建議更細心，太多大粒冰塊令味道改變之餘，如果小朋友或老人家飲就有機會搶到喉。
張貼
