影片
更多
2024-04-16
46 瀏覽
記得疫情前都有一段時間係好多素食自助餐當時都有食過幾間，冇食一排，早幾日同屋企人去試呢間喺大角咀嘅素來素往，感覺又完全唔同咗😝本身以為大角咀唔係好方便，點知原來奧運站B出口，滙豐中心一落扶手電梯向左望，就已經見到間餐廳，連Google Maps都慳返🤣🤣入到去地方都幾闊落，食物區個範圍都好大，唔怕逼住晒講返食物先，佢啲食物種類都好多，而且有好多係我想像唔到嘅食物😆首先佢個前菜已經有好多選擇，例如有涼拌薯粉，呢個真係好好食，又有涼拌炒粉絲，薯仔沙律，沙律吧，皮蛋豆腐等等，目不暇給。熟食方面，佢有賽螃蟹，苦瓜炒蛋，炒雜菜，炒雜菌，炆豆腐，仲未計有粟米羹炒米粉炒飯。佢個Pizza都值得一讚，薄薄地一片唔會話太滯，但係好脆好好食😋最估唔到嘅係佢竟然有豆腐花同綠豆沙😍豆腐花夠滑，綠豆沙多豆，質素已經好過好多餐廳👍🏻而且睇得出工作人員都好細心，不斷會巡查邊一款食物係就快食完，再準備refill。亦都見過唔止一次，佢哋會同客人介紹呢款食物係咩嚟。所以對佢哋嘅服務都有幾深刻嘅印象🤗今次未食晒已經飽咗，好彩屋企人都好滿意，仲話下次可以再嚟🤣🤣
當時都有食過幾間，冇食一排，早幾日同屋企人去試呢間喺大角咀嘅素來素往，感覺又完全唔同咗😝
本身以為大角咀唔係好方便，點知原來奧運站B出口，滙豐中心一落扶手電梯向左望，就已經見到間餐廳，連Google Maps都慳返🤣🤣
入到去地方都幾闊落，食物區個範圍都好大，唔怕逼住晒
講返食物先，佢啲食物種類都好多，而且有好多係我想像唔到嘅食物😆
首先佢個前菜已經有好多選擇，例如有涼拌薯粉，呢個真係好好食，又有涼拌炒粉絲，薯仔沙律，沙律吧，皮蛋豆腐等等，目不暇給。
熟食方面，佢有賽螃蟹，苦瓜炒蛋，炒雜菜，炒雜菌，炆豆腐，仲未計有粟米羹炒米粉炒飯。佢個Pizza都值得一讚，薄薄地一片唔會話太滯，但係好脆好好食😋
最估唔到嘅係佢竟然有豆腐花同綠豆沙😍
豆腐花夠滑，綠豆沙多豆，質素已經好過好多餐廳👍🏻
而且睇得出工作人員都好細心，不斷會巡查邊一款食物係就快食完，再準備refill。亦都見過唔止一次，佢哋會同客人介紹呢款食物係咩嚟。所以對佢哋嘅服務都有幾深刻嘅印象🤗
今次未食晒已經飽咗，好彩屋企人都好滿意，仲話下次可以再嚟🤣🤣
張貼
