西西里餐廳

營業中

休息中

前排社交平台group見到有人推介呢間餐廳就嚟試下，喺置樂花園入面，舖位唔算特別顯眼。叫咗個香脆魚柳蛋蓋飯配西西里鮮茄汁，$57包餐湯，熱飲+$3。因為食個陣係下午茶時段，所以送多兩隻雞翼，我都係食到一半突然間上多兩隻雞翼，跟住問staff先知，走個陣先知原來門口有寫🤣。魚柳啱啱炸起夠嫩滑，鮮茄汁小小酸酸地夠醒神開胃，餐湯都唔錯，唔會話普通茶記咁好稀好水。整體食物質數唔錯，staff做野都快手。我見有其他客有啲特別嘅食物要求，職員都會同廚房講盡量配合，值得一讚。