勝記酒家 (已結業)

星期日茶樓飲茶一般都有人滿之患，如果沒有預早訂檯， 就要逐間去碰下運氣。誤打誤撞上左灣仔群策大廈 三樓 “勝記”，經理話已經執緊枱等五分鐘就可以就坐。原隻鮮蝦腸粉 是特點 $31.80，蝦腸的蝦相當新鮮，大隻爽口 ，但腸粉就太削易爛；鮮蝦菜苗餃 的皮也是同一個問題，唔夠煙韌，一夾落去就漏曬啲餡料出嚟，但勝在餡料充足好味，爽口彈牙，菜苗餃應該多點菜就更好；蟹子燒賣味道一般 豬肉太多 好死實!沙律鮮蝦角 就唔係好掂 ，個皮可能炸起放得太耐，好韌皮，一啲都唔脆口!另外我們開了一壺壽眉，但茶葉有一陣好舊的味道，建議下次最好自己帶茶葉 。總括來說，“勝記” 地方清潔，服務合格，食物水平一般，勝在價錢合理。