潮濠城酒樓 (已結業)

午市同一大班朋友嚟食，估唔到未到出乎意料地好食，所以要寫返篇食評讚下！其中我最鍾意既係沙嗲炒牛肉河粉，比平時食開嘅乾炒牛河唔一樣，好有特色，另外， XO醬炒蘿蔔糕亦都唔錯，味道夠而蘿蔔糕唔會散開。呢度都仲有幾多特色點心，有得獎南瓜酥，外型都幾趣緻，口感酥脆，炸物點都係好食㗎啦～不過欣賞佢唔會太甜。另外，炸四寶亦都相當唔錯，有芋絲春卷、炸蝦餃都超好食，偶然肥一次都唔怕啦！