影片
更多
2021-08-11
1365 瀏覽
中環奢華鐵板燒 Crown Super Deluxe可以話係近期食過最印象深刻 最滿足心靈嘅一家餐廳！食物質素高不在話下，裝潢高尚環境寬敞愜意，staff極之友善熱情。坐係軟冧冧嘅天鵝絨椅，望住廚師即席炮製，完全係味覺同視覺嘅享受！細味完鐵板燒美食，仲可以轉移陣地 坐係whisky lounge慢慢嘆好有驚喜嘅甜品。估唔到午餐都可以咁精緻奢華，短短一兩個鐘，已經可以安撫到返工一族嘅疲憊心靈。𝙀𝙓𝙀𝘾𝙐𝙏𝙄𝙑𝙀 𝙇𝙐𝙉𝘾𝙃 (𝘔𝘰𝘯 - 𝘍𝘳𝘪)1️⃣日本芥菜沙律2️⃣ 海鹽德島蕃茄圓潤色澤超靚嘅日本德島蕃茄 甜度比一般嘅高幾倍！蕃茄入口飽滿多汁，相當香甜軟淋。仲可以點埋海鹽一起食，甜、酸、咸交雜，層次豐富之餘，甜度亦會提升，食落有小小酸梅嘅感覺。3️⃣燒時令蔬菜4️⃣美國頂級牛柳或西冷 $488 // 澳洲和牛肉眼 $588 // 鹿兒島A5和牛柳或西冷 $788🐮鹿兒島A5日本和牛西冷 140克 $788和牛油花細緻，初初入口帶爽彈，肉質相當軟嫩，油脂感超重，帶點入口即化嘅感覺！食完難免流露岀滿足嘅表情，極力推薦呢款！🐮澳洲和牛肉眼 150 克 $588肉質同樣軟腍，相對鹿兒島和牛有咬口。燒得香口之
可以話係近期食過最印象深刻 最滿足心靈嘅一家餐廳！食物質素高不在話下，裝潢高尚環境寬敞愜意，staff極之友善熱情。坐係軟冧冧嘅天鵝絨椅，望住廚師即席炮製，完全係味覺同視覺嘅享受！細味完鐵板燒美食，仲可以轉移陣地 坐係whisky lounge慢慢嘆好有驚喜嘅甜品。
估唔到午餐都可以咁精緻奢華，短短一兩個鐘，已經可以安撫到返工一族嘅疲憊心靈。
𝙀𝙓𝙀𝘾𝙐𝙏𝙄𝙑𝙀 𝙇𝙐𝙉𝘾𝙃 (𝘔𝘰𝘯 - 𝘍𝘳𝘪)
1️⃣日本芥菜沙律
2️⃣ 海鹽德島蕃茄
圓潤色澤超靚嘅日本德島蕃茄 甜度比一般嘅高幾倍！蕃茄入口飽滿多汁，相當香甜軟淋。仲可以點埋海鹽一起食，甜、酸、咸交雜，層次豐富之餘，甜度亦會提升，食落有小小酸梅嘅感覺。
3️⃣燒時令蔬菜
4️⃣美國頂級牛柳或西冷 $488 // 澳洲和牛肉眼 $588 // 鹿兒島A5和牛柳或西冷 $788
🐮鹿兒島A5日本和牛西冷 140克 $788
鹿兒島A5日本和牛西冷
26 瀏覽
0 讚好
0 留言
和牛油花細緻，初初入口帶爽彈，肉質相當軟嫩，油脂感超重，帶點入口即化嘅感覺！食完難免流露岀滿足嘅表情，極力推薦呢款！
🐮澳洲和牛肉眼 150 克 $588
肉質同樣軟腍，相對鹿兒島和牛有咬口。燒得香口之餘，肉汁依然被鎖住，肉味更濃。
客人可按個人喜好配蒜片、海鹽、芥末一齊食。個人就超鍾意大廚最一開頭即製嘅蒜片！香甜超脆，又唔會蓋過和牛嘅風頭。而芥末辣辣地可以一減油膩感，海鹽則可提升肉味。
5️⃣蒜香炒飯
廚師會將少量嘅和牛留低，再加入蛋、蔥花 同飯一齊炒，令到飯除左有淡淡牛脂香，仲有濃濃蛋香。炒飯口感軟綿，而唔係好似平時粒粒分明咁，口感未必個個鍾意。不過當中就有燒得焦脆嘅和牛，加入埋香脆蒜片，口感豐富。
6️⃣日式漬物
7️⃣味噌湯
8️⃣Yuzu sorbet or Green tea
— — — — — — — — — — — — — ⠀⠀
𝘿𝙀𝙎𝙎𝙀𝙍𝙏
原來甜品係無paper menu嘅，但就有個好可愛嘅人肉餐單~
▪️Coconut Tart $168
今次就遇上呢款人氣no.1嘅甜品！頂層係好creamy嘅椰子忌廉，而底下就好濃蛋香、質地同味道都好似燉蛋。厚厚嘅餅底帶牛油香，邊邊位好脆身。家姐表示超推薦。
▪️Chocolate mousse cake $168
厚厚一層脆皮朱古力 加有粒粒榛子，包裹住軟滑濃厚嘅朱古力mousse同軟熟濕潤嘅蛋糕，食落甜膩感比想像中低，作為朱古力控嘅細妹表示好滿足。
張貼
