沙田18

營業中

休息中

由大學站行過去需時5-7分鐘，餐廳位於酒店嘅4樓。入到餐廳雙眼好唔得閒，因為餐廳左右兩邊都有設有開放式廚房，一路行一路欣賞廚師準備食物！經過開放式廚房後立即又見一排落地大玻璃，外面雖然冇咩景色可言，但係整個空間好整潔光猛，配上木製嘅餐桌，優雅舒適。食物方面我哋叫幾款點心同燒味叉燒係好靚嘅半肥瘦三層肉，咬落去肥肉融化，瘦肉嫩滑，好好食。如果唔係因爲自己最近戒食澱粉質，一定叫翻碗白飯嚟送下！厚街臘味煎魚餅，呢個係我非常期待嘅一道菜，除咗係因為平時食中菜好少食到之外，鯪魚同臘腸係我嘅至愛。魚餅上枱時脹卜卜熱辣辣，而且有陣陣咸香味，咬落去唔係死實，而係外皮脆，入面鬆軟，不過魚味略嫌淡咗少少。最值得一讚係腸粉！真係好好食。腸粉外皮又薄又滑，餡料豐富。瑤柱味突出，配合花蚌，非常鮮味！x 100 服務方面有待改善，部分職員未有留意顧客需要，舉手好耐都無人睇到。另外一個疑似較高級嘅黑色西裝職員態度不太友善，無笑容不在話下，無論落單埋單佢都無任何回應。