岩浪天扶良日本料理 (已搬遷) 新店位置

Item: 岩浪天扶良日本料理
Rating: 5
Author: 大胃鵬

Iwanami Japanese Restaurant

334 食評

味道

環境

服務

衛生

抵食

12190

銅鑼灣

$401-800

日本菜壽司/刺身廚師發辦

287

大胃鵬

等級4

907

今日是一個值得紀念的日子, 由於我們不想諗往那裡慶祝, 於是我們決定找有提供omakase的餐廳,於是和太太往岩浪天扶良日本料理給太太「驚喜」,去到餐廳我們點了Deluxe Chef Special Course, 我們點了個Gold Course。食物有前菜蟹肉紫蘇葉, 螺和夜光魷魚、冰菜鹽蕃茄無花果沙律、刺身(星鰈, 鯛魚和間八), 鵝肝糠魚湯、野生拖羅、燒帶子、燒夜光魷魚、海鰻清湯、炒帆立貝、天婦羅(蝦, 目光魚, 白露筍、紫蘇葉配瀨尿蝦) 、壽司(櫻鱒魚, 深海池魚和海膽) 、有機綠茶、甜品(水信玄餅和綠茶雪糕) 。前菜蟹肉紫蘇葉, 螺和夜光魷魚。蟹肉新鮮, 配上蘿蔔絲和紫蘇葉食落開胃清甜, 螺肉新鮮彈牙, 夜光魷魚好彈牙, 裡面醬汁好濃, 好好食的新菜；冰菜鹽蕃茄無花果沙律, 冰菜口感特別, 食落去口感似食溶雪冰塊, 菜好新鮮好爽口, 蕃茄配上少許鹽, 食落好開胃, 無花果好清甜, 粟米細細件, 清甜之餘好美味, 口感清新的沙律；刺身(有星鰈, 鯛魚和間八), 星鰈第一次食口感食落有點似鯇魚, 有嚼勁, 魚好新鮮, 配上酸汁食落十分醒胃；鯛魚鮮甜食落入口即熔, 新鮮美味；間八魚也是第一次食, 入口感覺爽口彈牙, 食落清甜鮮美；整個刺身都好鮮甜味美；鵝肝鱇魚湯, 鵝肝入口即熔, 鱇魚打成魚蓉, 連鵝肝一起食落新鮮鮮甜, 湯好甜容易入口, 好足料；野生拖羅賣上醬汁,配上醬汁, 有油花, 脂肪分布有點似雪花, 食落有魚油的甘香味,入口即熔；燒帶子, 帶子燒得金黃鮮甜, 侍應教我們用紫菜連帶子卷成一起食, 紫菜香脆惹味, 配上鮮甜彈牙帶子, 好惹味的菜式；燒螢光魷魚, 魷魚新鮮彈牙, 燒得香濃, 醬汁惹味, 爽口；海鰻清湯, 這菜式好特別, 好少見鰻魚會煮湯, 鰻魚肉新鮮鮮甜, 煮得好腍, 口感幼嫩, 湯味道清新清甜, 味道不錯；炒帆立貝帆立貝好大隻, 醬汁香濃惹味、帆立貝新鮮彈牙, 食落好爽口；之後我們食天婦羅, 首先我們食蝦和目光魚, 蝦天婦羅食落彈牙, 外脆內嫩之餘更食出蝦的新鮮, 目光魚天婦羅個人第一次食, 原來目光魚天婦羅是配上咖喱粉或海鹽一同食, 魚炸至金黃, 入口魚肉幼嫩爽脆, 食落不油膩；之後我們食白露筍天婦羅和紫蘇葉配瀨尿蝦天婦羅, 白露筍天婦羅口感甘甜清香, 配上天婦羅汁食味道吸引, 而紫蘇葉配瀨尿蝦天婦羅, 紫蘇葉炸得香脆, 包著鮮甜彈牙的瀨尿蝦一同食,十分美味可口再配上咖喱粉和海鹽更帶出瀨尿蝦的鮮甜美味；食完天婦羅食壽司, 有櫻鱒魚, 深海池魚和海膽三款壽司, 櫻鱒魚賣相吸張, 食落香滑鮮甜, 好惹味,深海池魚魚味鮮甜味美, 配上金箔和黑松露, 食落去口感清新, 海膽壽司海膽新鮮, 食落甘香, 入口即熔, 好高水準的壽司。食飽飽後侍應遞上有機綠茶, 綠茶茶味香濃芬芳, 好有茶香, 有回甘味；飲完綠茶最後品嚐甜品分別是水信玄餅和綠茶雪糕, 前者配上黑糖和黃豆粉, 賣相晶瑩剔透, 食落去口感清新配上黑糖和黃豆粉食落去好鮮甜；後者雪糕綠茶味香濃, 雪糕質感好滑, 茶味好香, 不會越食越口喝, 另外甜品配上蜜瓜和提子十分清甜新鮮, 兩款甜品份量十足, 味道不俗。餐廳座位闊落而且部分座位有很闊落間格,私隱度高, 第一次光顧omakase, 感覺不俗, 食物美味一流, 材料新鮮, 我和太太都食得很滿意,很好的用餐經驗, 有機會寶必再來體驗omakase。