豚王 (威靈頓街)

營業中

休息中

果日做完運動去搵嘢食，本來打算去食餃子，咁啱經過豚王而朋友又想試吓就入咗去。星期五嘅中環，我以為都會多人，點知入面得2個客，我次次都例牌叫黑王，好鍾意食佢黑肉醬啲肉碎，因為都成年冇食過，都有啲期待。上餐見到賣相都冇咩分別，一夾就知份量縮晒水，麵好少，啲肉薄到好似張紙，一夾就爛，中間嘅黑色肉醬，變哂做醬，一落水即熔，肉碎少左好多，之後連我最鍾意嘅辣芽菜都停止供應，真係相當失望。雖然佢冇加到價，但食物質素下降，所以都清楚反映到佢咁多分店都結業嘅原因。