影片
更多
2023-06-10
265 瀏覽
**長文慎入**自從銅鑼灣旗艦店開業以來已經食過好幾次，每次都覺得好滿足，除咗食物質素，員工服務態度都好好。所以今次見到感謝祭就決定請屋企人嚟食返餐好嘅，點知咁就中晒伏我哋6月4號星期日用餐食鐵板燒，5月尾已經bk定位。落bkg時bk左一行8人，3日內要俾訂金，亦知道成個bkg咗後最多可以減2位，即到時最少6人用餐。經WhatsApp Bk完到俾訂期間接到1位屋企人通知病咗去唔到，所以當5月29日星期一親身去俾訂時已經同reception講咗改做7位，獲告知ok先俾信用卡落訂。到咗3號，另一位屋企人全身敏感出疹要睇醫生，亦唔食得海鮮🦐，本身想唔去，但因為第二日就係用餐日，覺得last min先再減人餐廳未必可以接到新bkg，所以照去，諗住到時叫另一set主打壽司🍣嘅感謝祭set。到入座，有位叫Jaeson嘅同事主力serve我哋。一坐低就同我哋講話感謝祭個$398 set同佢哋呢間cwb店格調唔符合，sell我哋upgrade食材。不過我哋上網見到評價唔錯，都想試吓個set先，就冇upgrade，同呢位Jaeson講照叫返$398 set就得，佢當下已經俾我哋感覺到面色一變，唔太高興我
自從銅鑼灣旗艦店開業以來已經食過好幾次，每次都覺得好滿足，除咗食物質素，員工服務態度都好好。所以今次見到感謝祭就決定請屋企人嚟食返餐好嘅，點知咁就中晒伏
我哋6月4號星期日用餐食鐵板燒，5月尾已經bk定位。落bkg時bk左一行8人，3日內要俾訂金，亦知道成個bkg咗後最多可以減2位，即到時最少6人用餐。
經WhatsApp Bk完到俾訂期間接到1位屋企人通知病咗去唔到，所以當5月29日星期一親身去俾訂時已經同reception講咗改做7位，獲告知ok先俾信用卡落訂。
到咗3號，另一位屋企人全身敏感出疹要睇醫生，亦唔食得海鮮🦐，本身想唔去，但因為第二日就係用餐日，覺得last min先再減人餐廳未必可以接到新bkg，所以照去，諗住到時叫另一set主打壽司🍣嘅感謝祭set。
到入座，有位叫Jaeson嘅同事主力serve我哋。一坐低就同我哋講話感謝祭個$398 set同佢哋呢間cwb店格調唔符合，sell我哋upgrade食材。不過我哋上網見到評價唔錯，都想試吓個set先，就冇upgrade，同呢位Jaeson講照叫返$398 set就得，佢當下已經俾我哋感覺到面色一變，唔太高興我哋唔upgrade嘅樣子。
跟住就同佢表示有一位唔食得鐵板燒，問佢可唔可以叫壽司嗰個set，佢就冇乜禮貌咁問點解唔食得。嗰吓有啲噩然點解會咁樣問個客，不過都直接同佢講唔舒服唔食得海鮮🦐。佢講話如果要食壽司set就要過壽司枱，叫我哋一係散叫。都明白，所以我哋揀咗散叫，叫咗一客刺身同一客炒飯。
之後就正式開餐，但係食到1個鐘過咗個散叫嘅炒飯都未上，而嗰位唔食得set嘅屋企人就望住我哋食個set餓住嗰肚等個飯嚟。當時見到負責serve我哋嗰位廚師煮緊個set d嘢食，而同枱另一位廚師就炒緊飯，心諗應該就係炒緊散叫嗰個。
點知過咗一陣就見到炒飯嗰位廚師拎咗6個碗出嚟做準備，咁先知道原來個飯係我哋個set嘅，而嗰時我哋其實仲食緊前幾道菜，未到食飯住。
咁點解明知道有客人唔係食set係散叫嘅都唔整咗散叫個飯俾嗰位客人先呢？!呢吓真係不解。於是就問嗰位Jaeson我哋散叫個飯去咗邊，整咗未。結果佢嘅回覆令大家呆晒，佢話個飯喺煮緊set嗰位廚師手中。。即係原來佢係安排煮好晒set每一道菜等所有人食晒後先開始整個散叫嘅飯!!!意思即係要我嗰位屋企人喺我哋食晒後再喺我哋望住佢嘅情況下一個人食!!! 呢個安排真係唔能夠接受!! 亦覺得好荒謬! 如果你本身個做法係咁，點解你唔一早喺我哋落單時講明原來要等咁耐先有得食，俾個客人選擇叫定唔叫？😤
於是即時同呢位Jaeson講如果未整嘅可唔可以轉其他嘢，佢亦係唔好聲氣地問”想轉咩吖”。我哋問佢拎返個menu睇，然後佢亦禮貌欠奉地話之前叫個炒飯加埋啱啱好先夠min charge，叫我哋要叫返最少$280先夠數。
最後我哋決定叫燒魚鮫同雞翼。點知佢同我哋講呢啲嘢要整30分鐘，咁樣我哋得返10分鐘食，之後8點就要”離場”! 聽到呢度我哋真係覺得太唔合理同唔舒服，你喺落單時唔出聲個炒飯要個幾鐘先上到菜，到我哋問完發現真相再要求改其他嘢你就即刻咁講，覺得好似係個客唔啱在先地不禮貌對待個客？! 😡
於是我哋決定照叫，你話得10分鐘食就10分鐘，總之我哋同自己講8點交到枱就得。呢個交枱時間亦都係一早bk枱時已被告知，大家都同意先會confirm booking，冇問題。
本身serve我哋個位女廚師真係好好，見到個氣氛僵晒即刻出聲幫手緩和，問我哋咁大班屋企人一齊食飯係咪有咩特別嘢要慶祝。但我哋都係如實相告 “冇咩特別，只係想嚟食餐飯，冇諗過係你哋餐廳時間上嘅安排令到我哋有屋企人等咗咁耐都冇得食仲要受氣”。個女廚師都好唔好意思咁但又唔知可以點樣再兜到件事。。我問個女廚師，之前食過咁多次都未見過呢位Jaeson嘅，一問之下先知原來係新嚟。。。
期間我哋真係覺得呢位Jaeson嘅態度令我哋好唔舒服，已經想即時同餐廳反映佢嘅服務態度，不過睇落佢應該係間餐廳嘅經理，聽佢對講機叫咪同同事講嘢嘅態度都係好一般，所以想影低相睇吓佢叫咩名先(本身冇為意佢叫咩名)。當下佢另一位同事見到就同佢講有人影緊佢。
隔咗一陣佢行過嚟酙水，我哋趁機想望吓名牌睇吓佢叫咩名。然後佢用一個”挑機”嘅口吻同我哋講 “我叫Jaeson，我之你想知道我個名㗎喇”。既然佢咁講，我哋唯有順佢意上嚟share返當日嘅經歷😊
最後d魚鮫雞翼喺7點50分左右上菜，差唔多時間Jaeson就嚟張單埋嚟，我哋睇咗張單，發現條數同佢講嘅有出入。佢話個散叫炒飯$280加埋先啱啱好夠min charge於是乎我哋都叫返啱啱好$280。但對單時發現我哋散叫嘅嘢加埋vs min charge多左百幾2百蚊。再問返呢位Jaeson，佢一開始堅持話條數啱。但我哋再加一次俾佢睇佢見唔對路就即刻兜，話佢係同我哋講因為我哋唔要個炒飯係$280，而我哋再改其他嘢嘅話就要叫返相同價錢以上。
我哋同佢表示佢一開始唔係咁講，係指仲有$280先到min charge所以要叫返呢個數以上，如果佢一早係講 “炒飯$280，再改都要$280以上”嘅話我哋接受，而唔代表可以前言不對後語，誤導客人。😡
到時呢刻佢知道自己衰咗就話”咁我幫你哋簽咗佢”，意思即係我哋叫多咗嘅錢waive咗佢。我哋即時話 “唔需要，我哋叫咗食咗嘅會認賬，唔需要你同我哋簽，只係想話返你知，你咁樣講係誤導咗我哋”。
而且後來發現，個炒飯原來只係$100，好明顯佢自己記錯價錢之後想屈落客人度唔認。。😡
跟住佢再唔忿氣地攞另一樣野出嚟講，話我哋今日嚟到先即時由8個人變7個人佢都已經要吉咗個位幫我哋簽咗。我哋聽到搲晒頭，明明我哋係星期一俾訂前已經講咗7個人，reception確認咗冇問題先俾訂，點解你而家話我哋即時轉搞到你少咗個位做生意?! 😠
我哋即刻同Jaeson澄清返:
1. 係 貴餐廳WhatsApp bk枱時msg話bk枱後到用餐係可以減最多2位
2. 1星期俾訂前已告知減1位，獲告知可以先落訂
3. 佢喺客人入座時先知係7位唔係8位，呢個係佢同餐廳同事溝通嘅問題，請佢同同事了解返，唔好賴落客人頭上
4. 如果唔可以減人，為何reception唔喺俾訂時講唔可以?! 如果當下知道唔可以減人的話我哋可以cancel bkg
去到呢度呢位Jaeson真心冇聲出，只有照收錢。。。
最後我哋亦遵守承諾，喺bk枱時已被告知嘅用餐時間6-8嘅8點鐘準時交枱
長文寫到呢到。。真係好長，所以本身諗住算，唔花咁多時間去打字，但過咗成個星期仍然覺得件事好唔合理，所以最後都係寫出嚟。
誰對誰錯，自行定斷。
張貼
