影片
更多
2025-01-16
0 瀏覽
本身係海鮮fans,見到有人介紹呢間，又見已經過左頭浸水唔洗點排，就約埋fd去試下。因為openrice到無得book枱，就約左6半去避開最多人既時間，去到都如預料般，係直入，但就話8點15分要轉下輪，所以我地揀2個鐘餐都係6:33到8:15就要交枱，但我地覺得15分鐘還好，應該夠食飽，就照入。入到去，真係有一大個海鮮池，左邊有大量任攞野食，右邊有好多飲品，包括啤酒都係任飲。因為我有睇過食評片，知時間寶貴，一坐底即叫湯底同肉，再出去攞海鮮，分工明確。我第三個fd遲少少到，佢一入黎坐低我地準備開餐，個經理已經攞張單黎，話埋單先，呢樣我真係第一次見呆左，跟住同我地講：8點交枱啦，我即刻追問：唔係8:15咩，佢睇左陣先話係15分，我唔提係咪8點就趕我走。食物質素公道講句，係新鮮同好食既，除左肉外基本全部放出面，自己任攞，唔會出現其他放題甘叫極無野到。但開開心心食到尾就黎料，近尾果45分鐘開始，不停有人黎收走我地枱面啲野，我有啲煩但可以當好服務見人見智，但同時亦不停有人提last order幾時，幾點交枱，到左最後十分鐘話幫你收收野就開始慢慢收走曬我地枱既野，連等客走左再執既時間都無，但我地埋
又見已經過左頭浸水唔洗點排，
就約埋fd去試下。
因為openrice到無得book枱，就約左6半去避開最多人既時間，
去到都如預料般，係直入，但就話8點15分要轉下輪，
所以我地揀2個鐘餐都係6:33到8:15就要交枱，
但我地覺得15分鐘還好，應該夠食飽，就照入。
入到去，真係有一大個海鮮池，左邊有大量任攞野食，右邊有好多飲品，包括啤酒都係任飲。
因為我有睇過食評片，知時間寶貴，一坐底即叫湯底同肉，再出去攞海鮮，分工明確。
我第三個fd遲少少到，佢一入黎坐低我地準備開餐，個經理已經攞張單黎，話埋單先，
呢樣我真係第一次見呆左，跟住同我地講：8點交枱啦，我即刻追問：唔係8:15咩，佢睇左陣先話係15分，我唔提係咪8點就趕我走。
食物質素公道講句，係新鮮同好食既，除左肉外基本全部放出面，自己任攞，唔會出現其他放題甘叫極無野到。
但開開心心食到尾就黎料，近尾果45分鐘開始，不停有人黎收走我地枱面啲野，我有啲煩但可以當好服務見人見智，但同時亦不停有人提last order幾時，幾點交枱，到左最後十分鐘話幫你收收野就開始慢慢收走曬我地枱既野，連等客走左再執既時間都無，但我地埋單出去係無人等甘濟（3,4個人係門口）。
成餐食完真係好唔開心，全程趕既感覺真係出曬面，少左15分鐘特別係服務方面，未夠鐘已經比人收曬野，全餐最好態度就係洗海鮮果位，食物質素唔差但真係可惜，應該比較難覆桌。
張貼
