影片
更多
2021-08-19
4025 瀏覽
😡一定要睇到最後！！！咁啱同女仔friend一個做facial一個整睫毛，大家扮完靚靚就去咗食中菜👭🏻環境可以：餐牌：1️⃣ 紅燒乳鴿（$78）我哋超級豪氣咁一人一隻，無理由一場黎到唔試吓呢間餐廳嘅招牌呀嘛🤣 上枱嘅時候，餐廳配左一碟醋同埋一碟椒鹽，估唔到配醋都一樣咁好食🤤👍🏻 2️⃣ 瑤柱蛋白炒飯（$108）聽落好似好普通，無乜睇頭？你地無聽過越簡單嘅菜式越考驗到師傅嘅功力咩？呢個蛋白炒飯既吸引之處，就係當妳食左第一啖後，就會令妳不期然地會食晒成碟嘅程度🐿 無錯🙈我哋兩個平時夜晚都食一小碗飯嘅女仔，最後竟然清晒成碟🙈3️⃣金磚豆腐粒（$49）除咗炒飯同乳鴿，我哋仲order多咗個小食😛 外脆內軟，炸完內裡既豆腐依然好濕潤，一次過有兩種口感，超級正🤩最令我地用餐不快既係某超短髮女侍應😡 當晚我地8:45左右入坐，行樓梯上餐廳個時，有個侍應叔叔落樓梯，佢一見我地已經話：「我地收10點喎。」，咁當你溫馨提示一下我地。坐低食野途中都無咩特別，但到9:30，某超短髮女侍應就一面不爽咁行埋黎：「你地呢枱係最後一張入黎，10點好離開，唔係到時有人上黎見你地未走係罰你地錢架咋，唔關我地事既！」態度勁差！面口又差
咁啱同女仔friend一個做facial一個整睫毛，大家扮完靚靚就去咗食中菜👭🏻
環境可以：
餐牌：
1️⃣ 紅燒乳鴿（$78）
我哋超級豪氣咁一人一隻，無理由一場黎到唔試吓呢間餐廳嘅招牌呀嘛🤣 上枱嘅時候，餐廳配左一碟醋同埋一碟椒鹽，估唔到配醋都一樣咁好食🤤👍🏻
2️⃣ 瑤柱蛋白炒飯（$108）
聽落好似好普通，無乜睇頭？你地無聽過越簡單嘅菜式越考驗到師傅嘅功力咩？呢個蛋白炒飯既吸引之處，就係當妳食左第一啖後，就會令妳不期然地會食晒成碟嘅程度🐿 無錯🙈我哋兩個平時夜晚都食一小碗飯嘅女仔，最後竟然清晒成碟🙈
3️⃣金磚豆腐粒（$49）
除咗炒飯同乳鴿，我哋仲order多咗個小食😛 外脆內軟，炸完內裡既豆腐依然好濕潤，一次過有兩種口感，超級正🤩
最令我地用餐不快既係某超短髮女侍應😡 當晚我地8:45左右入坐，行樓梯上餐廳個時，有個侍應叔叔落樓梯，佢一見我地已經話：「我地收10點喎。」，咁當你溫馨提示一下我地。坐低食野途中都無咩特別，但到9:30，某超短髮女侍應就一面不爽咁行埋黎：「你地呢枱係最後一張入黎，10點好離開，唔係到時有人上黎見你地未走係罰你地錢架咋，唔關我地事既！」態度勁差！面口又差！依家又未到10點，你咁講野係姐係嫌我地阻你收工姐😡😡😡
食物質素係唔錯，但請到呢啲員工就趕客！
張貼
