影片
更多
2024-07-16
4525 瀏覽
一直把餐廳放在bucket list 上但通常一星期內比較難訂位，今次預早訂位終於可以一試。餐廳地方比較隔涉不方便，座位數量也不多，難怪預訂比較難。同行友人有一位孕婦，所以一早已經通知餐廳該友人不能吃生蛋。服務我們的師傅叫家俊，當問及顧客的特別要求都持有質疑的態度。同行三位本人只要求自己嗰份牛肉不需要太熟和孕婦不能吃生蛋。師傅對牛肉不需要煮太熟的回應是餐廳刻意營造焦糖的效果，但其實當奉上第一塊牛肉的時候已經有過熟的現象，未知道是師傅的控制火候的手勢未到位還是師傅口中所講餐廳刻意營造焦糖的效果？所以才會有此要求。師傅的回應感覺不太友善但都未為在意。到用膳尾聲的甜品部份，師傅又問到想要選擇牛奶布甸還是黑豆雪糕的時候，我問到牛奶布甸係乜嘢牛奶布甸？(其實本人係整甜品達人非常清楚乜嘢係牛奶布甸，問題其實係有冇其他生果或其他味道喺上邊？)師傅嘅回應，再一次確認佢嘅唔友善態度: 咪就係牛奶布甸囉！到臨走前，師傅可能意識到本人不滿嘅神情疑似友善嘅補飛: 咦你哋係咪上邊落嚟㗎？我估係因為佢聽到我哋嘅對話當中有涉及內地。但係其實我都諗咗2秒乜嘢叫做上邊落嚟然後禮貌地回答: 唔係呀。心裏存在黑人問號一個：
餐廳地方比較隔涉不方便，座位數量也不多，難怪預訂比較難。
同行友人有一位孕婦，所以一早已經通知餐廳該友人不能吃生蛋。
服務我們的師傅叫家俊，當問及顧客的特別要求都持有質疑的態度。同行三位本人只要求自己嗰份牛肉不需要太熟和孕婦不能吃生蛋。師傅對牛肉不需要煮太熟的回應是餐廳刻意營造焦糖的效果，但其實當奉上第一塊牛肉的時候已經有過熟的現象，未知道是師傅的控制火候的手勢未到位還是師傅口中所講餐廳刻意營造焦糖的效果？所以才會有此要求。師傅的回應感覺不太友善但都未為在意。
到用膳尾聲的甜品部份，師傅又問到想要選擇牛奶布甸還是黑豆雪糕的時候，我問到牛奶布甸係乜嘢牛奶布甸？(其實本人係整甜品達人非常清楚乜嘢係牛奶布甸，問題其實係有冇其他生果或其他味道喺上邊？)師傅嘅回應，再一次確認佢嘅唔友善態度: 咪就係牛奶布甸囉！
到臨走前，師傅可能意識到本人不滿嘅神情疑似友善嘅補飛: 咦你哋係咪上邊落嚟㗎？
我估係因為佢聽到我哋嘅對話當中有涉及內地。但係其實我都諗咗2秒乜嘢叫做上邊落嚟然後禮貌地回答: 唔係呀。心裏存在黑人問號一個：係又點？唔係又點呢？係咪因為你以為我哋「上邊」落嚟，所以以致整個用膳過程服務態度如此？
如此市道，香港餐廳營運已經艱難本人亦未為致力北上消費的香港人。但如果以此等價錢在香港享受此等服務，難怪香港餐廳難以經營。環境餐廳食物質素和服務態度都係顧客用餐感受最為重要的一環，即使食物做得如何出色這次的用餐體驗已經足夠令我們三人不再回頭光顧。
最後奉上「咪牛奶布甸囉！」嘅精美圖片，家俊師傅其實佢係黃豆粉黑糖牛奶布甸。
張貼
