亞里斯餐廳 (已結業)

一直都太忙太忙, 所以好多好多篇食評都未寫, 今日有啲時間, 補噃先!Check 噃日子, 二月十九日晚出咗旺角, 諗唔到食乜, 最後又同老公嚟噃《亞里斯》食晚飯, 但今次實在失望....我叫咗個"T骨牛扒餐", 老公叫咗個"牛柳餐", 另外加個"法式焗田螺",個湯仍然 OK, (飲咗一半先記得影相)"T骨牛扒餐" 確係大件, 但有啲肉太靱, 切唔開... 叫走汁又唔記得........"牛柳餐", 老公話 OK 啦, 但啲肉既新鮮度差少少,"法式焗田螺" 味道正常, 但賣相就麻麻,個甜品就.......... 老實, 都唔知係乜! 咁鍾意食甜品既我都冇興趣食落去, cream 又唔似 cream, 雪糕又唔雪糕咁, 好怪, 味道又唔得...杯餐飲熱檸茶就正常啦!最失望係比錢嗰陣, 由於我同老公已經用晒啲 Cash, 所以一定係用信用咭找數,點知佢哋搞咗好耐都埋唔到單, 原來部信周咭機壞咗呀!! 仲要只係得一部囉!最後要我勁"火羅"咁特登走落街搵櫃員機"禁"錢囉!!我同老公都決定, 短時間內唔會再幫襯!!Ref : http://hk.myblog.yahoo.com/joycewai