影片
更多
2022-12-05
94 瀏覽
第一次去科學園，咁啱做完嘢又好耐冇食韓燒放題，見環境不錯，座位都闊落，不妨一試。揀咗「頂級任飲任食韓燒放題」$238/位，食物選擇好多，淨係牛都好多款，隨便點咗橫膈膜肉、牛板腱、頂級肥牛、新鮮牛肉片、薄切牛舌片，大部分牛味都幾重，我特別鍾意個新鮮牛肉片，肉質好嫩👍🏻另外海鮮只係隨便點咗幾樣，海蝦，生蠔同半殼帆立貝，雖然仲有多款雞、豬、腸嘅選擇，但係想留肚試其他嘢食😜放題仲可選擇刺身，試咗三文魚同吞拿魚，都唔錯幾新鮮😋熱食就點咗泡菜煎餅，賣相一般但係又幾香口幾好食喎👍🏻最後都忍唔住叫埋個大醬湯，湯裡面有海鮮，豆腐勁滑，都幾正宗😋😋
張貼
