億饍 (已結業)

晚飯要搵間餐廳同朋友慶祝生日, 但朋友表示唔想食西餐, 所以就隨便搵左間食亞洲菜既餐廳。餐廳係彌敦道樓上鋪, 近油麻地A出口, 位置來講都算方便。當日被安排坐電梯口附近, 用餐環境一般。因為大家都唔太肚餓, 所以都唔算叫左好多野食。菠蘿炒飯用原個菠蘿上, 味道ok。牛油果軟殼蟹卷, 串燒同冬蔭功都合格。但炒金邊粉令人非常失望, 賣相似一般廣東炒粉面。如果抱住食泰菜心態食呢間餐廳, 絕對會失望而回。另外值得一提呢度切餅費要$100, 以一般餐廳來講都算貴, 如果有自備蛋糕的話其實有更好選擇。下次有機會再試泰菜以外的其他菜式。