影片
更多
2022-11-25
128 瀏覽
極少去銅鑼灣，但友人勁大力推介黎呢到食晚餐，話環境舒適而且食物好有高水準，搞到我都好期待！Menu有勁多選擇，食物係用QR code落單，店員好友善好用心推介，當中酥炸軟殼蟹黃金忌廉蟹肉意粉最吸引我，所以試下先。忌廉黑松露野菌湯套餐既湯本來冇咩特別期望，點知超級驚喜，黑松露香氣濃郁到令人齒頰留香，加上湯飲到顆粒感，口感豐富，感覺係用搞拌器打成湯，十分真材實料！。酥炸軟殼蟹黃金忌廉蟹肉意粉賣相好吸引：擺碟整齊碟邊乾淨，仲有大大隻炸至金黃既軟殼蟹放係上面，大隻到同隻碟一樣長 加上醬汁金黃，同有大量蟹籽，好想即刻食番啖！醬汁咸蛋黃味香濃而且超級Creamy，味道唔咸，份量適中，可以拌哂成個意粉而又唔膩，每啖都會感受到咸蛋黃獨有既起沙感，仲有蟹味！軟殼蟹有鮮味，炸到好脆但內裡依然有汁。餐廳提供多款Pasta選擇，我揀左寬麵，質感煙韌，配上濃濃既黃金忌廉醬汁同蟹籽，整體口感真係一流！。酥炸啤酒豬手配鼠尾草梅子汁友人揀左呢個，豬手外皮炸到十分酥脆，肉質唔乾柴，加上搭配酸甜酸甜既汁及沙律，啖啖肉都完全冇油膩感冇邪惡感，令人忍唔住一舊接一舊！總結：十分驚喜！店員好友善又用心推介，環境又舒適，而且食物好
Menu有勁多選擇，食物係用QR code落單，店員好友善好用心推介，當中酥炸軟殼蟹黃金忌廉蟹肉意粉最吸引我，所以試下先
。忌廉黑松露野菌湯
套餐既湯本來冇咩特別期望，點知超級驚喜，黑松露香氣濃郁到令人齒頰留香，加上湯飲到顆粒感，口感豐富，感覺係用搞拌器打成湯，十分真材實料！
。酥炸軟殼蟹黃金忌廉蟹肉意粉
賣相好吸引：擺碟整齊碟邊乾淨，仲有大大隻炸至金黃既軟殼蟹放係上面，大隻到同隻碟一樣長 加上醬汁金黃，同有大量蟹籽，好想即刻食番啖！
醬汁咸蛋黃味香濃而且超級Creamy，味道唔咸，份量適中，可以拌哂成個意粉而又唔膩，每啖都會感受到咸蛋黃獨有既起沙感，仲有蟹味！軟殼蟹有鮮味，炸到好脆但內裡依然有汁
。餐廳提供多款Pasta選擇，我揀左寬麵，質感煙韌，配上濃濃既黃金忌廉醬汁同蟹籽，整體口感真係一流！
。酥炸啤酒豬手配鼠尾草梅子汁
友人揀左呢個，豬手外皮炸到十分酥脆，肉質唔乾柴，加上搭配酸甜酸甜既汁及沙律，啖啖肉都完全冇油膩感冇邪惡感，令人忍唔住一舊接一舊！
總結：十分驚喜！店員好友善又用心推介，環境又舒適，而且食物好高水準：主菜好味，連湯既香味都勁濃郁 下次會再黎食！
。套餐仲可以加錢轉特飲，好耐冇係餐廳見到薄荷朱古力啦！甜度冰度都可以要求，清新既薄荷香味同香濃既朱古力真係好夾，下次試下其他先
張貼
