海龍王海鮮大排檔

營業中

休息中

上星期同男朋友兩個人入左長州行街，夜晚見到近碼頭哩間鋪頭，見地方都乾淨同光猛，又唔會好似其他鋪頭咁行出黎係咁叫人食，不過可能都接近9點，所以唔使等就入得喇！咁入得長州當然就要食海鮮啦！所以就叫左鋪頭介紹下海鮮推介！由於兩個人所以都唔叫得太多，總共只係叫左四樣餸！四樣入面椒鹽瀨尿蝦最值推介，肉質爽口得黎個味又唔差！另外個清蒸本地龍蝦都好好食，清蒸可以保存到肉質鮮味，而本人應為本地龍蝦肉質好食過波士頓龍蝦！薑蔥炒蟹本人應為都ok 都好入味！菜就冇咩特別！整體黎講四個餸都好味，唔會有過咸既問題出現！成餐價錢都算合理，侍應都冇點介紹錯，會再返去再食過！！！