船皇 (謝斐道) (已結業)

叫咗個二人套餐再加一個炸雞脾飯四個人食落單之後發現佢落貴咗8蚊於是想叫佢改一改張單點知佢淨係彈咗句「落單之後冇得改架喇」好似我哋講咗啲天方夜譚咁款咁我哋繼續有禮貌咁話：你不如試一試啦 唔該你佢就挨咗係牆邊靜咗十秒（好漫長）然後攞住張單走咗 隔咗一陣就返黎話改唔到於是我哋都就由佢了其實而家2023年仲會有落單system落完唔可以改？咁如果人哋想加點食物或者野飲呢？或者嗌錯嘢想改？同埋我自問我哋態度都好有禮貌，唔該前唔該後，而且要求都幾合理吖anyway其實平心而論食物質素都ok嘅，始終價錢又唔係貴，算不錯的。只係一位男侍應嘅服務態度令人摸不著頭腦，個種肢體語言係好似你爭佢十萬唔還咁。成餐飯都R晒頭，有種貼錢買難受嘅感覺。見有個英文comment都係遇上相同情況，睇嚟呢個情況都唔係個別例子。