SAKImoto bakery 嵜本 高級Shokupan專門店 (海港城) (已結業)

餐廳環境好日系，主要用木系溫暖色調，令人有舒適放鬆既感覺，但百幾蚊食一塊吐司同果醬+杯茶又值唔值呢？仲要好多時間要拎籌，如果未試過既你，可以諗一諗。我覺得如果唔洗排隊既話可以一試，但應該就唔會有下一次喇！ 🤔🤔🤔今次我就試左「極生」吐司with 3款果醬，另外仲有一款「極美」吐司，分別就係前者有加入牛奶、牛油同蜂蜜製作，會帶甜同少少奶香。吐司烘得好完美，外脆內軟，一扯開可以見到拉絲👍🏽👍🏽果醬方面，推薦既口味玫瑰紅嗓子味，酸酸甜甜好開胃，但其他口味就偏甜，冇太多特別既口味，比較特別既有黃豆粉味同石榴石草莓。