東后齋 (已結業)

全條東大街只有一間齋舖，所以想食齋，基本上無得揀。小妹下午茶時份到達；間舖好細，啲枱排得好密，門口仲有棵大型植物、同木餐牌阻住，感覺上有啲唔舒服。舖頭內約有三分一客人，只有一張雙人枱，而且已經有客人坐低咗；但佢哋竟要小妹搭枱。一個人唔可以坐四人枱嗎？又唔係繁忙時間？茶就要問兩次至有，其他枱嘅情況都一樣。坐喺對面嘅小姐要咗個豆腐花，待應送上桂花糖；但客人問佢係乜嘢？佢竟然唔識答。本來想食小籠包，但待應話小籠包做唔到下午茶；其實如果唔係佢講，小妹根本就唔知有下午茶，因為店內並無推介。結果點咗蘿蔔糕、同黑松露餃；蘿蔔糕一般，黑松露餃就好香、唔錯。