影片
更多
2019-03-12
60 瀏覽
朋友轉左工，慶祝新工之餘，又揀返間近佢既餐廳，就喺觀塘選了這間西餐廳。雖然位於工廈，但入口喺觀塘道，鄰近地鐵站，門口一大段路都係唔同既巴士去唔同地區，所以大家都好方便。餐廳裝修簡單得來幾舒服，而且唔會好迫，傾計好啱。有時食飯相聚都係想大家傾下計，所以空間都緊要。我地見set dinner都多野，所以就四個人叫兩個set再加小食，再加個pasta。好多餐廳既set dinner係配湯或沙律，但呢間係兩樣都有，好豐富，因為兩個set，我地揀左兩款沙律(柚子醋三文魚田園沙律、無花果黑醋汁巴馬火腿田園沙律)，兩款醬汁配沙律都好夾，特別一讚無花果黑醋汁，好味！餐湯唔係一般紅白湯，而係煙肉椰菜花湯，味道幾特別，仲有蒜蓉包。叫set可以用優惠價錢加配一啲野食，所以我地兩樣都加左(法式芝士煙肉焗蠔、黑松露蜜糖雞翼)，我覺得焗蠔都足料，但相比雞翼，對我既吸引力係冇咁勁既，哈哈。黑松露蜜糖雞翼，蜜糖味較重，但都有黑松露味！Main Course係BBQ汁燒原條西班牙黑毛豬豬肋骨同埋黑松露帶子野菌意大利飯，Ribs係超大條，仲有薯條墊底，兩個人share食都會飽。個ribs一切開都覺得燒得好淋，啲肉離骨，又
餐廳裝修簡單得來幾舒服，而且唔會好迫，傾計好啱。有時食飯相聚都係想大家傾下計，所以空間都緊要。
我地見set dinner都多野，所以就四個人叫兩個set再加小食，再加個pasta。
好多餐廳既set dinner係配湯或沙律，但呢間係兩樣都有，好豐富，因為兩個set，我地揀左兩款沙律(柚子醋三文魚田園沙律、無花果黑醋汁巴馬火腿田園沙律)，兩款醬汁配沙律都好夾，特別一讚無花果黑醋汁，好味！餐湯唔係一般紅白湯，而係煙肉椰菜花湯，味道幾特別，仲有蒜蓉包。
叫set可以用優惠價錢加配一啲野食，所以我地兩樣都加左(法式芝士煙肉焗蠔、黑松露蜜糖雞翼)，我覺得焗蠔都足料，但相比雞翼，對我既吸引力係冇咁勁既，哈哈。黑松露蜜糖雞翼，蜜糖味較重，但都有黑松露味！
Main Course係BBQ汁燒原條西班牙黑毛豬豬肋骨同埋黑松露帶子野菌意大利飯，Ribs係超大條，仲有薯條墊底，兩個人share食都會飽。個ribs一切開都覺得燒得好淋，啲肉離骨，又唔會太un，喜歡！黑松露帶子野菌意大利飯都好不錯，有時好怕啲意大利飯會硬，然後”銀”胃，但呢個飯冇呢個問題！幾好。
另外我地仲叫左個柏施圖汁荷蘭大啡菇寬條麵，本身見到個汁，以為係「柏拉圖」，哈哈，不過都因為咁令到我地印象深刻，加上想食大啡菇，就叫左。上到枱，發覺個寬條麵係綠色既，就會諗到菠菜麵，食落有啲蒜味同埋橄欖油，可能呢個就係柏施圖汁，都唔錯既。平時既大啡菇係好大個既，今次佢就切左條，唔洗切就方便啲。
野飲我地叫左一個可樂，佢另配既杯會有埋檸檬，幾好，可以自製埋檸樂。另外叫左個草莓梳打，不錯的說。
呀，set仲有甜品，我地揀左brownie同藍莓芝士餅，一份有兩小件，份量幾好，我都鍾意食brownie，呢個唔算太甜，但味道幾好，藍莓cheese cake都ok呀！
我地仲傾到差不多關門先走，特別謝謝職員們耐心招待。
張貼
