王家沙．花樣年華 (K11 Musea)

營業中

休息中

🥟🥢王家沙𑁍花樣年華🫖🍜今晚約左朋友食飯, 尖沙咀最方便，而且想食上海野小籠包🥢😆搵下搵下，都唔會記得musea MoMa隔離有王家沙👍咁就去試下啦！🔸鎮江肴肉 - 已經有陳醋配埋在碟內了，肴肉都適當厚度，正常味道！😋🔸蒜泥白肉 - 我喜歡白肉內有青瓜或者蒜芯係入面，因為口感會爽口啲，清新啲，配埋酸辣蒜汁，好岩夏天食🔸 炸黑毛豬扒擔擔麵🍜 不辣 - 擔擔麵同湯汁黏稠，好難夾起，但湯汁濃，係傳統擔擔麵花生醬既質地。至於黑毛豬扒，炸得香口，不過咬開有啲肥膏。🔸蘇式鮮肉小籠包 - 肉同皮都正常，湯汁都正常份量，不過不失，未到好驚艷🔸高力豆沙 - 我唸都係叮番熱上枱，黎到有一個扁左，豆沙餡料唔係好多，面皮既蛋白包都鬆軟，整體唔算好甜，覺得餡料多少少會好啲。今晚評價係食物無問題，正正常常。但侍應成間餐廳得一，兩個，無人收枱，無人斟水，埋單好慢🥹仲有冷氣太凍，好快吹到啲野凍哂，小籠包影個相已經變暖，唔係熱，有啲不足，大家衡量下。