蠔灣 (金巴利道)

營業中

休息中

想食生蠔嘅話，第一時間會諗起喺尖沙咀金巴利道嘅蠔灣，之前已經食過幾次，喜歡呢度嘅生蠔夠新鮮又多選擇，雖然其實我唔係好識叫邊一隻，每次都係店舖推介😎，另外幾鍾意呢度店舖細細，氣氛幾好，每台客人都係飲酒食生蠔，每枱之間隔得好近，有時唔識嘅都會搭下傘，飲酒嘅時候碰吓杯，幾開心🥂🥂▪️今次都係叫店員介紹，我哋點咗四款生蠔，每款兩隻，每款都超級新鮮同鮮甜，食嘅時候店員都教我哋順序由淡味道濃味開始食，而且呢四款都幾抵食，其實食完都唔係太夠食，不過又想食下其他嘢，唯有下次再試多啲唔同款🦪Speciales de Claire $ 40 pc🦪Krystale $ 42 pc🦪La Perle Noire $ 42 pc🦪Tarbouiech (Pinky) $ 55 pc🦐法國藍蝦 $ 48 pc藍蝦好爽口彈牙，蝦頭怖滿蝦膏，好好食🇯🇵北海道活赤貝 $78 pc最鍾意食赤貝，爽脆鮮味，仍有點點海水嘅鹹香🇯🇵北海道帶子粒 $38 pc超級大粒，肉質鮮甜，非常正🔥原隻活海膽 $ 188 pc超級期待，我哋叫嘅時候只淨返最後兩隻，店員都話原隻海膽係比較少有，所以好多客人一早已經訂咗，睇埋相都知道海膽厚肉，味