影片
更多
2009-12-09
175 瀏覽
小學同學兼死黨生日，佢喜歡吃日本菜，決定去試呢間位於尖咀諾士佛臺嘅日本料理 -- 一遊，另有間姐妹店位於銅鑼灣 -- 一門。雖然位處商業大廈樓上，但招牌一眼可見，非常易找。上到去門口，冇人企喺接待處，等了一會，見一年輕女侍應出嚟迎接我地，但原來佢唔可以帶位，結果又要花少少時間再搵另一個侍應帶我地，感覺有點奇怪。還有，因為有做串燒嘅open kitchen，但亦有理由任由啲煙在餐廳裡四處散，有點似火燭情景，環境可想而知，應該建議佢地換過強力抽由煙機嘛........入座之後，侍應端上餐牌，但之後就冇理會我地，問可否給兩杯茶，侍應竟介紹餐牌內的中國茶，每壺$28，日本料理用中國茶，真係咁fusion??? 在問有冇免費供應嘅茶，佢話只有水 (比客人感覺好似局你要比錢飲茶咁)，冇緊要，但女侍應接了order後遲遲都未拎杯水嚟，唯有再叫另一個男侍應才可以要到兩小杯暖水。落單時，這位女侍應又在不適當時候提供過份詳細嘅意見，阻礙我地三個人嘅討論，之後我地已經點了頗多道菜之時，但佢似仍想推介其他今晚我地冇叫嘅菜式，比你感覺hard sell得很，一個字 - "煩"。中途亦見隔離枱在投訴食方面，不過
上到去門口，冇人企喺接待處，等了一會，見一年輕女侍應出嚟迎接我地，但原來佢唔可以帶位，結果又要花少少時間再搵另一個侍應帶我地，感覺有點奇怪。還有，因為有做串燒嘅open kitchen，但亦有理由任由啲煙在餐廳裡四處散，有點似火燭情景，環境可想而知，應該建議佢地換過強力抽由煙機嘛........
入座之後，侍應端上餐牌，但之後就冇理會我地，問可否給兩杯茶，侍應竟介紹餐牌內的中國茶，每壺$28，日本料理用中國茶，真係咁fusion??? 在問有冇免費供應嘅茶，佢話只有水 (比客人感覺好似局你要比錢飲茶咁)，冇緊要，但女侍應接了order後遲遲都未拎杯水嚟，唯有再叫另一個男侍應才可以要到兩小杯暖水。
落單時，這位女侍應又在不適當時候提供過份詳細嘅意見，阻礙我地三個人嘅討論，之後我地已經點了頗多道菜之時，但佢似仍想推介其他今晚我地冇叫嘅菜式，比你感覺hard sell得很，一個字 - "煩"。
中途亦見隔離枱在投訴食方面，不過侍應答法生硬，不但唔可以息客人之怒，亦導致情況更加嚴重，態度有待改善。
食物方面：
1. 辛丹波 Karatanba (Dry Sake) 300ml $85 - 雖寫明係Dry，但一啲都唔dry，除此之外，算中規中矩。
2. 海鮮沙律 $78 - 魚生種類多，切成條狀，唔會太大塊，非常新鮮 ; 蔬菜切得大塊，多水爽脆 ; 最特別可算係佢帶有少酸的沙律汁，非常醒胃，上面再灑有幾粒芝麻，帶有幾分香味，用這個方法製作的日式沙律，絶也。
3. 香蔥吞拿魚卷 $160 - 吞拿魚幾生鮮，但唔肥，油脂的甘香味不強烈 ; 飯粒煙韌，仲灑有蔥粒、洋蔥粒，不過發輝唔到佢地嘅功效似的，而且將碎魚肉舖上面，不方便夾起，食得比較狼狽。
4. 蟹肉厚玉子 $48 - 喺佢地嘅姐妹店都食過同類的，不過冇蟹肉，今次厚燒的蛋仍然保持濕度同軟滑，加埋蟹肉嘅鮮甜味混和蛋香，再有帶醬汁的蘿蔔蓉伴吃，絶配。
5. 燒牛舌 $45/串 - 切得太薄，醃製時間唔夠，甚至可能冇醃過，但係調味又不足，雖然肉裡仍然濕潤，但表面燒得唔夠脆，所以香味欠奉。
6. 串燒和牛串 $48/串 - 又硬又韌，雖然已經燒到medium，但係仍然可以做到咁嘅口感，如果係一級和牛，就算well done都仍好吃的，所以覺得肉質應屬劣等，敗筆之作。
7. 鹽燒活鰻 $48/串 - 亦都係錯在食材方面，活鰻表面層皮唔夠肥，又燒得唔夠脆，唔夠油脂又何來香口可言呢?
8. 豚肉金菇串 $18/串 - 算中規中矩的串燒，可能係有醬汁嘅關係，而且係用薄切豚肉，口感差極有限，但如果可以用上牛肉配金菇，相信效果會更好。
9. 燒鷄皮蝦 $45/串 - 全晚最佳串燒非呢串莫屬，最特別係廚子諗到用上雞皮卷在蝦身表面來燒，不單止喺燒嘅過程，雞油可以令到蝦身更香口，而且仲可以形成保護作用，蝦用不會被燒乾 ; 雞皮燒哂雞油出來後，變得脆脆的，不會太肥膩 ; 蝦肉又厚肉又爽，一場嚟到又點可以唔試吓佢呀。
10. 玉子鰻魚石頭飯 $68 - 變咗韓國菜咁，不過點都好，石頭飯上枱後，侍應主動幫忙將生雞蛋撈入飯中，鰻魚又肥又厚肉，半生熟嘅蛋混合埋啲飯好食到不得了，做得唔錯。
Comments: 態度服務方面有很大進步空間，只係得味道係留唔住客人的心，雖知道這裡消費唔算平，不是街頭小吃，服務水平同樣重要。
張貼
