影片
更多
2024-07-24
1010 瀏覽
諗唔到食乜嘅時候，放題絕對係個好選擇~ 尤其係好似我呢類，鍾意樣樣野試少少嘅人就最啱！餐牌上分別有4個等級可以揀，我地就揀咗LV3澳洲和牛海鮮放題。除咗有牛同海鮮外，仲有雞、羊、各款前菜/沙律、日式料理、蔬菜、飯、麵、湯、甜品都係任食～因為做緊水果夏祭，坐低無耐，職員就為我地送上呂宋芒雜果沙律(限一份）同水果醬封門柳壺漬。食少少沙律開下胃。之後再送上排得好靚嘅拼盤，包括有：澳洲和牛-牛肋肉、澳洲和牛-上級牛胸腹肉、澳洲穀飼原塊牛板健、美國和牛肩胛肉眼、特選牛小排、牛舌、嚴選牛肩里肌肉、美國牛胸腹肉。海鮮方面就有： 大虎蝦、鮑魚、帆立貝、青口、翡翠螺。試過拼盤上唔同嘅牛之後，我主供以下衣幾款！當然以和牛為主！肉質比較香嫩～配埋生菜同香蒜醬食，感覺唔會太膩~ 澳洲和牛肉眼芯（醬醃）美國和牛肩胛肉眼（燒汁）澳洲和牛-上級牛胸肉（原味）澳洲和牛-特上牛肋肉（原味厚切）海鮮類方面，必點嘅一定係生蠔、醬燒廣島蠔、清酒煮蜆、蒲燒鰻魚同海魚魚干！生蠔都幾大隻～如果想方便啲嘅就可以直接揀醬燒廣島蠔。至於蒲燒鰻魚，又厚又大件，都幾有驚喜！魚干就可以當做小食，配埋啤酒就啱晒！食完咁多肉類之後，可以食返啲蔬菜
諗唔到食乜嘅時候，放題絕對係個好選擇~ 尤其係好似我呢類，鍾意樣樣野試少少嘅人就最啱！
餐牌上分別有4個等級可以揀，我地就揀咗LV3澳洲和牛海鮮放題。除咗有牛同海鮮外，仲有雞、羊、各款前菜/沙律、日式料理、蔬菜、飯、麵、湯、甜品都係任食～
因為做緊水果夏祭，坐低無耐，職員就為我地送上呂宋芒雜果沙律(限一份）同水果醬封門柳壺漬。食少少沙律開下胃。
之後再送上排得好靚嘅拼盤，包括有：澳洲和牛-牛肋肉、澳洲和牛-上級牛胸腹肉、澳洲穀飼原塊牛板健、美國和牛肩胛肉眼、特選牛小排、牛舌、嚴選牛肩里肌肉、美國牛胸腹肉。
海鮮方面就有： 大虎蝦、鮑魚、帆立貝、青口、翡翠螺。
試過拼盤上唔同嘅牛之後，我主供以下衣幾款！當然以和牛為主！肉質比較香嫩～配埋生菜同香蒜醬食，感覺唔會太膩~
澳洲和牛肉眼芯（醬醃）
美國和牛肩胛肉眼（燒汁）
澳洲和牛-上級牛胸肉（原味）
澳洲和牛-特上牛肋肉（原味厚切）
海鮮類方面，必點嘅一定係生蠔、醬燒廣島蠔、清酒煮蜆、蒲燒鰻魚同海魚魚干！生蠔都幾大隻～如果想方便啲嘅就可以直接揀醬燒廣島蠔。至於蒲燒鰻魚，又厚又大件，都幾有驚喜！魚干就可以當做小食，配埋啤酒就啱晒！
食完咁多肉類之後，可以食返啲蔬菜類！我自己就最鍾意牛油金菇同牛油蘆筍~ 金菇吸滿牛油後，好香滑！而牛油蘆筍就好爽嫩～
貓山王榴槤刈包 (每人限量一件）好期待最後嘅貓山王榴槤甜品！上面係滿滿嘅貓山王榴槤蓉～仲有少少脆米做裝飾，啱晒打卡～貓山王入口軟滑香甜，配上刈包感覺有啲飽，如果可以單叫貓山王榴槤蓉就完美喇！
另外雪櫃有大量不同嘅飲品，同甜品可以隨意任拎～
📍📍📍📍📍📍📍📍📍📍
佐賀燒肉谷 (雅蘭中心)
地址: 旺角彌敦道625 & 639號雅蘭中心地下(部份)及1樓116號舖
張貼
